നസ്രിയ ഇനി എന്ന് സിനിമയിലേക്ക് വരുമെന്ന് അറിയാന്‍ പലരും കാത്തിരുന്നു ഒടുവില്‍ തീരുമാനമെത്തി.അഞ്ജലി മേനോന്റെ ചിത്രത്തിലൂടെയാണ് നസ്രിയ തിരിച്ചെത്തുന്നത്. സിനിമയിലേക്ക് തിരിച്ച് വരാനുള്ള കാരണമായി നസ്രിയ പറയുന്നത് എന്താണെന്നോ. വിവാഹം കഴിഞ്ഞു എന്ന് പറഞ്ഞ് വീട്ടില്‍ തന്നെ ഉറങ്ങിതൂങ്ങിയിരിക്കാന്‍ എന്നെ കിട്ടില്ല.വിവാഹം ശേഷം ജോലി ചെയ്യണമെന്ന് തന്നെയാണ് തന്റെ ആഗ്രഹം. ഫഹദ് എനിക്ക് പൂര്‍ണ്ണ സപ്പോര്‍ട്ട് തരുന്നുണ്ടെന്ന് നസ്രിയ പറഞ്ഞു.

ആദ്യ ചിത്രമായ മഞ്ചാടിക്കുരു മുതല്‍ ബാംഗ്‌ളൂര്‍ ഡേയ്‌സ് വരെ വ്യത്യസ്ത വിഷയങ്ങള്‍ കൈകാര്യം ചെയ്യുവാന്‍ അഞ്ജലി ശ്രമിച്ചിരുന്നു.അഞ്ജലി മേനോന്റെ സംവിധാനത്തില്‍ അടുത്ത ചിത്രവും അണിയറയില്‍ ഒരുങ്ങുകയാണ്. എന്നാല്‍ ഇത്തവണ ഈ സിനിമയ്ക്ക് സവിശേഷത ഏറെയാണ്.

വിവാഹശേഷം അഭിനയ രംഗത്ത് നിന്നും മാറി നിന്നിരുന്ന നസ്രിയയുടെ തിരിച്ചുവരവ് അടയാളപ്പെടുത്തുന്ന ചിത്രമായിരിക്കും ഇത്. മറ്റൊരു സവിശേഷത പൃഥ്വിരാജ് ആയിരിക്കും ഈ സിനിമയില്‍ നായകന്‍.എന്നാല്‍ പ്രിത്വിരാജിന്റെ ജോഡി ആയിട്ടല്ല നസ്രിയ സിനിമയില്‍ അഭിനയിക്കുന്നത്. അത് ഒരു സസ്‌പെന്‍സാണ്.

പ്രിത്വിയുടെ ജോഡിയായി വരുന്നത് പാര്‍വതിയാണ്. നേരത്തെ എന്ന് നിന്റെ മൊയ്തീന്‍ എന്ന സിനിമയിലും റിലീസ് ചെയ്യാന്‍ ഇരിക്കുന്ന മൈ സ്‌റ്റോറി എന്ന സിനിമയിലും ഇരുവരും ഒന്നിച്ചഭിനയിച്ചിട്ടുണ്ട്. കഥ കേട്ട നസ്രിയ സമ്മതം മൂളി കഴിഞ്ഞി. ഈ മാസം ചിത്രീകരണം ആരംഭിക്കും.