ബഡായി ബംഗ്ലാവ് എന്ന ഷോയിലൂടെ എന്നും പ്രിയ അവതാരകനും നടനുമായി രമേഷ് പിഷാരടി മാറുകയായിരുന്നു.പുതിയ ചിത്രം സംവിധാനം ചെയ്യുന്നതിന്റെ തിരക്കിലാണ് പിഷാരടി ഇപ്പോള്‍. പഞ്ചവര്‍ണ തത്ത എന്നാണ് പിഷാരടിയുടെ പുതിയ ചിത്രത്തിന്റെ പേര്. 

ഫേസ്ബുക്കിലൂടെ പിഷാരടിയും ധര്‍മജന്‍ ബോള്‍ഗാട്ടിയുമാണ് വാര്‍ത്ത പുറത്ത് വിട്ടത്. ചിത്രത്തില്‍ നായകനായി അഭിനയിക്കുന്നത് കുഞ്ചാക്കോ ബോബനാണ്. ഒപ്പം ഏറെ കാലത്തിന് ശേഷം ജയറാം വ്യത്യസ്ത വേഷത്തില്‍ അഭിനയിക്കുന്നു എന്ന പ്രത്യേകതയും സിനിമയ്ക്കുണ്ട്.

തലമുടി മൊട്ടയടിച്ച് മുണ്ടും ഷര്‍ട്ടും ധരിച്ച് തത്തയും കൂടും കൈയില്‍ പിടിച്ചു നില്‍ക്കുന്ന ജയറാമിന്റെ ലുക്കാണ് പുറത്ത് വന്നിരിക്കുകയാണ്. പഞ്ചവര്‍ണ തത്ത എന്ന് പേരിട്ടിരിക്കുന്ന സിനിമ സപ്ത തരംഗ് സിനിമ അവതരിപ്പിക്കുന്ന ചിത്രം നിര്‍മ്മിക്കുന്നത് നടന്‍ മണിയന്‍പിള്ള രാജുവാണ്. 
ചിത്രത്തിന്റെ പേര് ട്രോളുകള്‍ക്ക് കാരണമായി മാറിയിരിക്കുകയാണ്.

രമേശ് പിഷാരടി സംവിധാനം ചെയ്യുന്ന സിനിമ. 'പഞ്ചവര്‍ണതത്ത' ആഹാ നല്ല പേര്. എന്ന തരത്തിലാണ് ട്രോളുകളാണ് പുറത്ത് വരുന്നത്. മിമിക്രി വേദികളെ പുളകം കൊള്ളിക്കുന്ന രമേഷ് പിഷാരടി സംവിധായകനാവാന്‍ പോവുകയാണെന്നുള്ള വാര്‍ത്ത കേരളം ഒട്ടാകെ ഏറ്റെടുത്തിരിക്കുകയാണ്. ഹരി പി നായരും രമേശ് പിഷാരടിയും ചേര്‍ന്നാണ് സിനിമയുടെ രചന നിര്‍വഹിച്ചിരിക്കുന്നത്.

ഈ ചിത്രത്തിന്റെ കഥ ഒരുക്കിയപ്പോള്‍ നാദിര്‍ഷയാണ് സംവിധാനം ചെയ്യാന്‍ പ്രേരിപ്പിച്ചത്.ഈ ചിത്രം സംവിധാനം ചെയ്യുന്നുണ്ടെങ്കില്‍ ഞാന്‍ നിര്‍മ്മിക്കുമെന്ന് മണിയന്‍പിള്ള ചേട്ടന്‍ പറഞ്ഞിരുന്നു.ചിത്രത്തിന്റെ വീഡിയോ അനൗണ്‍സ് മെന്റ് 20 ലക്ഷത്തോളം പേര്‍ കണ്ടു. അത് തന്നെ വലിയ സന്തോഷമാണെന്ന് പിഷാരടി പറഞ്ഞു.