എതു വേഷവും അഭിനയിക്കാൻ ധൈര്യമുള്ള ചുരുക്കം ചില നടിമാരിൽ ഒരാളാണ് ലെന. ആ കാരണം കൊണ്ട് തന്നെ ലെനയിപ്പോൾ തമിഴ്, ഹിന്ദി, തെലുങ്ക് ചിത്രങ്ങളിലും അഭിനയിച്ചു കഴിഞ്ഞു. ലെനയെക്കുറിച്ചു അറിയാൻ സാധിക്കുന്ന മറ്റൊരു കാര്യം മറ്റുള്ളവരുടെ കള്ളത്തരങ്ങൾ ലെനയ്ക്ക് കണ്ടു പിടിക്കാൻ എളുപ്പം കഴിയും എന്നുള്ളതാണ്. കള്ളം പറയരുത്, അതും ലെനയുടെ മുന്നിലിരുന്ന്… പറഞ്ഞ കള്ളം കണ്ണിൽനോക്കി കയ്യോടെ കണ്ടുപിടിക്കാൻ സാധ്യതയുണ്ട്. ഇത് പറയാൻ കാരണം പന്ത്രണ്ടാം ക്ലാസിൽ പേപ്പർ നിറയെ മാർക്കു വാങ്ങിയ ലെന തിരഞ്ഞെടുത്തത് മനഃശാസ്ത്രമാണ്.

സൈക്കോളജിയിൽ ബിരുദവും ബിരുദാനന്തര ബിരുദവും നേടിയ ഒരാൾ അതു ജീവിതത്തിൽ പ്രയോഗിക്കുന്നത് എങ്ങിനെയൊക്കെയാണ്. ലെന മറുപടി പറഞ്ഞു, ” ചെറുപ്പം മുതലേ ഒരു സിക്സ്ത് സെൻസ് ഉള്ളിലുണ്ടെന്നാണു വിശ്വാസം. സഹപാഠികളിൽ ആരെയൊക്കെ വിശ്വസിക്കണം…? ആരുടെകൂടെ കളിക്കാൻ പോകണം…? തുടങ്ങിയ കാര്യങ്ങളിൽ ചില നിരീക്ഷണങ്ങൾ ഞാൻ നടത്തി. ചില സാഹചര്യങ്ങളിൽ പണി പാളുന്നതു മുൻകൂട്ടി കണ്ടെത്തി മുങ്ങാനുള്ള അസാധ്യ പാടവവും ഞാൻ കാണിച്ചിരുന്നു. മനസ്സിൽ വരുന്ന തോന്നലുകൾക്ക് അൽപം വില കൊടുത്തു നോക്കിയാൽ ഈ സിക്സ്ത് സെൻസ് വളരും ”, ലെന പറഞ്ഞു.

സൈക്കോളജി പഠനശേഷം ലെന ആദ്യം ചെയ്തത് ടിവി പരമ്പരയാണ്. എപ്പോൾ എങ്ങനെ കരഞ്ഞാൽ ക്ലിക്കാകുമെന്നു കൃത്യമായി മനസ്സിലാക്കി. (അതോടെ പരമ്പരയിൽ ലെന കരയുന്നതു കണ്ട് സ്ത്രീ പ്രേക്ഷകരും ഒപ്പം കരഞ്ഞു.) താൻ ഏറ്റെടുത്ത ഓരോ കഥാപാത്രത്തിനും ജീവൻ നൽകാൻ, ടൈമിങ് മെച്ചപ്പെടാനും മനഃശാസ്ത്ര പഠനം ഒട്ടേറെ സഹായിച്ചു. പറഞ്ഞ കള്ളം പിന്നീട് ഓർത്തിരിക്കാനുള്ള ബുദ്ധിമുട്ടു കൊണ്ട് പരമാവധി താൻ ആരോടും കള്ളം പറയാറില്ല, കാരണം ‘ആദ്യം പറഞ്ഞതു രണ്ടാം തവണ പറയുമ്പോൾ പൊളിയുമെന്നത് ഉറപ്പാണ്. മുന്നിലിരിക്കുന്ന ആളുടെ ശരീരഭാഷ, കണ്ണുകളുടെ ചലനം അങ്ങനെ പലതും അവരറിയാതെ നിരീക്ഷിച്ചാണു തീരുമാനങ്ങൾ താൻ എടുക്കുക. തട്ടിപ്പിന്റെ മണം ചെറുതായി പരന്നു തുടങ്ങുമ്പോഴേ നൈസായിട്ടു മുങ്ങും.

ഇതെല്ലം എങ്ങനെയാണെന്നും ലെന പറഞ്ഞു, അതിനു നമ്മളോടു സംസാരിക്കുന്ന ആളിന്റെ കണ്ണുകളുടെ ചലനം നിരീക്ഷിക്കുക. നമ്മളോടു സംസാരിക്കുന്ന ആളിന്റെ കണ്ണുകളുടെ ചലനം നിരീക്ഷിക്കുക. കൺമണികൾ വലത് മുകൾ ഭാഗത്താണെങ്കിൽ– ഇല്ലാത്തകാര്യം സൃഷ്ടിച്ചു പറയുകയാണ് – കള്ളം പറയാൻ ശ്രമം.  കൺമണികൾ വലതു ഭാഗത്താണെങ്കിൽ– ഇല്ലാത്തകാര്യം പറയാനായി വാക്കുകൾ തേടുകയാണ് – കള്ളം പറയാൻ ശ്രമം. കൺമണികൾ ഇടത് മുകൾ ഭാഗത്ത് – ഓർമയിൽനിന്നു പറയുന്നത്. – യഥാർഥകാര്യം പറയുന്നു.

കൺമണികൾ ‌ഇടതുഭാഗത്ത് – ഓർമയിൽ നിന്നു വാക്കുകളും സംഗീതവും ഓർക്കുന്നു – യഥാർഥകാര്യം പറയുന്നു. ഓർക്കുക; പഠിച്ച കള്ളൻമാർക്ക് ഇതൊന്നും ഒരു വിഷയമേ അല്ല!