കൊല്ലപ്പെട്ട നടന്‍ കലാഭവന്‍ മണിയുടെ മരണത്തിന് പിന്നില്‍ ആരാണെന്നോ ആരാണ് പ്രതികളെന്നോ ഇതുവരെയും കണ്ടെത്തിയിട്ടില്ല. കേസ് സിബിഐ അന്വേഷിക്കുന്നുണ്ടെങ്കിലും പ്രതികളെ സമൂഹത്തിന് മുന്നില്‍ കൊണ്ട് വരാന്‍ സാധിക്കുന്നില്ല. സിനിമയിലെ ചില പ്രമുഖ നടന്മാണ് മണിയുടെ മരണത്തിന് പിന്നിലെന്നത് സത്യമാണ്.

അവര്‍ മനപൂര്‍വ്വം കേസ് ഒതുക്കി തീര്‍ക്കാനാണ് ശ്രമിക്കുന്നത്. പണത്തിന് വേണ്ടി സിനിമയിലെ ചില സുഹൃത്തുക്കള്‍ മണിയുടെ കൂടെ നിന്നു ഒറ്റുകൊടുക്കുകയായിരുന്നുവെന്നാണ് ആരോപണം. എന്നാല്‍ മണിയുടെ മരണത്തിന് പിന്നില്‍ റിയല്‍ എസ്‌റ്റേറ്റ് മാഫിയ ഉണ്ടെന്നാണ് അറിയുന്നത്. ഇതുമായി ബന്ധപ്പെട്ട് ചില തെളിവുകള്‍ കേസ് അന്വേഷിക്കുന്ന സിബിഐ സംഘത്തിനു ലഭിച്ചിട്ടുണ്ടെന്നാണ് അറിയുന്നത്. കലാഭവന്‍ മണിയുടെ മരണത്തിന് പിന്നില്‍ റിയല്‍ എസ്‌റ്റേറ്റ് മാഫിയ ഉണ്ടെന്ന് സംവിധായകന്‍ ബൈജു കൊട്ടാരക്കരയാണ് പുറത്ത് വിട്ടത്.

സംവിധായകന്‍ ബൈജു കൊട്ടാരക്കരയെ കോഴിക്കോട് നിന്ന് ഒരു പെണ്‍കുട്ടി വിളിച്ചിരുന്നു. കലാഭവന്‍ മണിയുടെ മരണത്തിനു പിന്നില്‍ റിയല്‍ എസ്‌റ്റേറ്റ് ബന്ധങ്ങളുണ്ടെന്നു വ്യക്തമാക്കിയാണ് ഈ പെണ്‍കുട്ടി ഫോണില്‍ ബന്ധപ്പെട്ടത്. ഈ വെളിപ്പെടുത്തലിന്റെ അടിസ്ഥാനത്തില്‍ ബൈജു സിബിഐയ്ക്കു മണിയുടെ മരണത്തിലെ റിയല്‍ എസ്‌റ്റേറ്റ് മാഫിയയുടെ ബന്ധങ്ങള്‍ സംബന്ധിച്ചു മൊഴി നല്‍കിയിരുന്നു. 

കോഴിക്കോട് സ്വദേശിനിയായ പെണ്‍കുട്ടി ബൈജു കൊട്ടാരക്കരയ്ക്കു വാട്‌സ് അപ്പില്‍ അയച്ച ഓഡിയോ സന്ദേശവും തെളിവായി സിബിഐയ്ക്കു മുന്നില്‍ ബൈജു കൊട്ടാരക്കര സമര്‍പ്പിച്ചിട്ടുണ്ട്.
ബൈജുകൊട്ടാരക്കരയുടെ ആരോപണങ്ങള്‍ സിബിഐയ്ക്കു കൈമാറിയത് മണിയുടെ സഹോദരന്‍ ആര്‍എല്‍വി രാമകൃഷ്ണനായിരുന്നു. ബൈജു കൊട്ടാരക്കരയില്‍ നിന്നു മൊഴിയെടുത്ത സിബിഐ സംഘം, ബൈജുവിനു വിവരങ്ങള്‍ കൈമാറിയ യുവതിയില്‍ നിന്നും വിവരശേഖരണം നടത്തിയിട്ടുണ്ട്. 

മണിയുടെ കൊലപാതകത്തിന് പിന്നിലെ പ്രതികളെ ഉടന്‍ പിടികൂടണമെന്ന് ആരാധകര്‍ ആവശ്യപ്പെടുന്നു. ഈ കേസും മായ്ച്ച് കളയരുതെ എന്നാണ് സോഷ്യല്‍ മീഡിയയിലൂടെ ആരാധകര്‍ ആവശ്യപ്പെടുന്നത്.