പ്രീയങ്കാ നായര്ക്ക് മമ്മൂട്ടിയുടെ മകളായി അഭിനയിക്കണമെന്ന്; ഫാന്സ് പൊങ്കാലയിടുമോ?
മോഹന്ലാലിന്റെ നായികയായി അഭിനയിച്ച പ്രിയങ്കാ നായര്ക്ക് മമ്മൂട്ടിയുടെ മകളായി അഭിനയിക്കണമെന്ന്. ഒരു സിനിമാ വാരികയിലൂടെയാണ് താരം തന്റെ ആഗ്രഹം വ്യക്തമാക്കിയത്. എന്നാല് മമ്മൂട്ടിയുടെ ഫാന്സുകാര് ഇക്കാര്യം അറിഞ്ഞാല് പ്രിയങ്കയെ സോഷ്യല്മീഡിയയിലൂടെ പൊങ്കാലയിട്ട് ആഘോഷിക്കുമെന്ന് ഉറപ്പാണ്. അടുത്തിടെ മമ്മൂട്ടിയുടെ മകളായിട്ടും ദുല്ഖറിന്റെ നായികയായും അഭിനയിക്കണമെന്ന് പറഞ്ഞ അങ്കമാലി ഫെയിം നായിക ലിച്ചിയെ ഫാന്സുകാര് സോഷ്യല് മീഡിയയിലൂടെ ആക്രമിച്ചിരുന്നു. അത് സഹിക്കാതെ കരഞ്ഞുകൊണ്ടാണ് യുവതാരം മാപ്പ്പറഞ്ഞത്. അവസാനം മമ്മൂട്ടി വിളിച്ച് ആശ്വസിപ്പിച്ചപ്പോഴാണ് യുവനടിക്ക് സന്തോഷമായത്.
മഞ്ജുവാര്യരും സംയുക്താവര്മയും ഉള്പ്പെടെയുള്ള പല നടിമാരും മമ്മൂട്ടിയുടെ നായികയാകാന് കഴിയാത്തതിന്റെ നഷ്ടം പലപ്പോഴും പങ്ക് വച്ചിട്ടുണ്ട്. എന്നാല് മകളായി അഭിനയിക്കണമെന്ന് മോഹന്ലാലിന്റെയും പശുപതിയുടെയും നായികയായി അഭിനയിച്ച നടിമാരാരും ആഗ്രഹം പ്രകടിപ്പിച്ചിട്ടില്ല. മമ്മൂട്ടിയുടെ നായികയായി അഭിനയിച്ച ശ്രീവിദ്യ പോലുള്ള അതിസുന്ദരിയായ നടി പിന്നീട് അമ്മയായും സഹോദരിയായും അഭിനയിച്ചിട്ടുണ്ട്. മകളായി അഭിനയിച്ച അഞ്ജു പിന്നീട് കൗരവരില് മമ്മൂട്ടിയുടെ നായികയുമായി.
കാവ്യാമാധവന് മമ്മൂട്ടിയുടെ നായികയുടെ ബാല്യം അഴകിയ രാവണനില് അവതരിപ്പിച്ചാണ് ശ്രദ്ധേയമായത്. പിന്നീട് ഈ പട്ടണത്തില് ഭൂതത്തിലൂടെ നായികയുമായി അഭിനയിച്ചു. ആദ്യമൊക്കെ കാവ്യ മമ്മൂട്ടിയെ അങ്കില് എന്നാണ് വിളിച്ചിരുന്നത്. എന്നാല് തന്നെ ഇക്കാ എന്ന് വിളിച്ചാല് മതിയെന്ന് മമ്മൂട്ടി നിര്ദ്ദേശിച്ചു. അതിനൊരു കാരണവും കാവ്യ മുമ്പ് പറഞ്ഞിട്ടുണ്ട്, ഞാന് സിനിമയില് വന്നപ്പോള് മമ്മുക്ക എങ്ങനെയായിരുന്നോ അതുപോലെയാണ് ഇപ്പോഴും. തനിക്ക് വയസ് കൂടിയിട്ടും മമ്മുക്കയ്ക്ക് കൂടിയില്ലെന്ന്.
പത്തേമാരിയില് മമ്മൂട്ടിയുടെ അമ്മയായി അഭിനയിച്ച വിജിചന്ദ്രശേഖറിന് മമ്മൂട്ടിയേക്കാള് പ്രായക്കുറവാണ്. അതേസമയം സത്യന് അന്തിക്കാടിന്റെ കനല്കാറ്റില് തന്നേക്കാള് അഞ്ച് വയസ് പ്രായമുളള കെ.പി.എ.സി ലളിതയുടെ നായകനായി അഭിനയിച്ചു. കെ.പി.എ.സി ലളിത മമ്മൂട്ടിയുടെ അമ്മയായും സഹോദരിയായും അഭിനയിച്ചിട്ടുണ്ട്. ഇപ്പോള് മമ്മൂട്ടിയുടെ നായികയായി അഭിനയിക്കാന് പറ്റിയ നായികമാര് മലയാളത്തില് കുറവാണ്. അതുകൊണ്ട് അന്യഭാഷാ നായികമാരാണ് പലപ്പോഴും നായികയായി അഭിനയിക്കുന്നത്. ആശാശരത്താണ് ഇപ്പോള് മമ്മൂട്ടിക്ക് അനുയോജ്യയായ നായിക. വര്ഷം, പുള്ളിക്കാരന് സ്റ്റാറാ എന്നീ ചിത്രങ്ങളില് ആശയായിരുന്നു മമ്മൂട്ടിയുടെ ജോഡി.
https://www.facebook.com/Malayalivartha
