ഒരു കാലത്ത് മലയാള സിനിമയില്‍ യുവതാരമായി തിളങ്ങി നിന്ന റഹ്മാനും സൂപ്പര്‍ നായികയായിരുന്ന അമലയുമായുള്ള പ്രണയം മലയാള സിനിമാ പ്രേക്ഷകര്‍ക്ക് സുപരിചതമാണ്. അമലയുമായുള്ള പ്രണയകാര്യം റഹ്മാനും മുമ്ബ് തുറന്ന് പറഞ്ഞിട്ടുള്ളതാണ്. എന്നാല്‍ ഇരുവരും പിരിയാനുള്ള കാര്യം വീട്ടുകാരുടെ നിര്‍ബന്ധമായിരുന്നില്ല എന്നാണ് റഹ്മാന്‍ അടുത്തിടെ വ്യക്തമാക്കി.

തന്റെ തുറന്ന സംസാരപ്രകൃതമാണു തെറ്റിദ്ധാരണകള്‍ക്ക് ഇടയാക്കിയത് എന്നു റഹ്മാന്‍ പറയുന്നു. സിനിമയില്‍ രണ്ടു പേര്‍ക്കും തിരക്കു കൂടിയപ്പോള്‍ ബന്ധത്തിന്റെ സീരിയസ് വിട്ടു പോയി എന്നു റഹ്മാന്‍ പറയുന്നു. ഒരു വര്‍ഷം 18 സിനിമകള്‍ വരെ ചെയ്തിരുന്നു, അത് ഒരു ഇന്‍ഫാക്ക്ച്ചേഷനായിരുന്നു എന്നും റഹ്മാന്‍ പറഞ്ഞു.

തമിഴില്‍ ഒരു സിനിമയില്‍ ഒന്നിച്ചഭിനയിച്ചപ്പോഴായിരുന്നു ഇരുവരും തമ്മില്‍ അടുത്തത്. പിന്നീട് പ്രണയമായി അത് വളര്‍ന്നു. പക്ഷെ ആ പ്രണയത്തിന് അധികം ആയുസില്ലായിരുന്നു. അമലയെ കൂടാതെ അക്കാലത്ത് റഹ്മാനൊപ്പം ഗോസിപ്പ് കോളങ്ങളില്‍ നിറഞ്ഞവരില്‍ പ്രധാനികള്‍ രോഹിണിയും ശോഭനയുമായിരുന്നു.