മലയാള ടെലിവിഷന്‍ പരമ്പരയില്‍ റേറ്റിങില്‍ ചരിത്രം സൃഷ്ടിച്ചുകൊണ്ടാണ് ഫഌവേഴ്‌സ് ടിവിയിലെ ഉപ്പും മുളകും എന്ന പരമ്പര മുന്നേറുന്നത്. ഒരാളും വെറുക്കാത്ത സീരിയല്‍ ഉണ്ടോ എന്ന് ചോദിച്ചാല്‍ മലയാളികള്‍ ഉപ്പും മുളകും എന്ന് ഉത്തരം പറയും. ബാലുവും നീലിമയും മക്കളും പ്രേക്ഷകരുടെ വീട്ടിലെ തന്നെ അംഗങ്ങളായി മാറുന്ന കാഴ്ച. യഥാര്‍ത്ഥ സംഭവങ്ങളായി തോന്നുന്ന തരത്തിലുള്ള മേക്കിങ്ങാണ് പരിപാടിയുടെ വിജയത്തിന് പിന്നിലെ പ്രധാന കാരണം.

ഒന്നിനൊന്ന് മികച്ച പ്രകടനങ്ങളാണ് താരങ്ങള്‍ കാഴ്ച വെക്കുന്നത്. കേന്ദ്ര കഥാപാത്രമായ ബാലുവായാലും നീലിമയായലും മക്കളുടെ വേഷം അവതരിപ്പിക്കുന്നവരായാലും മികച്ച പ്രകടനമാണ് കാഴ്ച വെക്കുന്നത്. പ്രേക്ഷകരെ വെറുപ്പിക്കാത്ത രീതിയിലാണ് പരിപാടി മുന്നേറിക്കൊണ്ടിരിക്കുന്നത്. വിജയകരമായി മുന്നേറുന്നകയാണ് ഉപ്പും മുളകും.

വിജയകരമായി മുന്നേറുന്നതിനിടയിലാണ് പരിപാടി നിര്‍ത്താന്‍ പോവുകയാണെന്നുള്ള തരത്തില്‍ വ്യാജ വാര്‍ത്തകള്‍ പ്രചരിച്ചത്. ഇതോടെ ആരാധകര്‍ ആകെ അങ്കലാപ്പിലായി. നല്ല രീതിയില്‍ മുന്നേരുന്ന പരിപാടി എങ്ങനെ നിര്‍ത്താനാണ്. നല്ലതിനെ കളഞ്ഞുള്ള ശീലമൊന്നും ചാനലിന് ഇല്ലെന്നുമാണ് ശ്രീകണ്ഠന്‍ നായര്‍ വ്യക്തമാക്കിയത്. ഫേസ്ബുക്ക് ലൈവിനിടയില്‍ ആരാധകനാണ് ഇക്കാര്യം ചോദിച്ചത്.

പരിപാടിയില്‍ വിഷ്ണു അഥവാ മുടിയനെ അവതരിപ്പിക്കുന്ന റിഷിയെ പുറത്താക്കിയെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. എന്നാല്‍ നൃത്ത പരിപാടികള്‍ക്കായി മാറി നില്‍ക്കുകയായിരുന്നു താരം. വിദേശത്തുള്ള പരിപാടിയില്‍ പങ്കെടുക്കുന്നതിനായി പോയ താരം അടുത്തിടെയാണ് തിരിച്ചെത്തിയത്. ചാനല്‍ റേറ്റിങ്ങില്‍ ഏറെ മുന്നില്‍ നില്‍ക്കുന്ന പരിപാടി തട്ടിയെടുക്കാന്‍ പ്രമുഖ ചാനല്‍ ശ്രമിക്കുന്നുവെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. ടെലിവിഷന്‍ പരമ്പരകളുടെ ചരിത്രം തന്നെ മാറ്റിക്കുറിച്ചാണ് ഉപ്പും മുളകും മുന്നേറുന്നത്.

പതിവ് പരമ്പരകളെ അപേക്ഷിച്ച് നോക്കിയാല്‍ പ്രേക്ഷകരെ വെറുപ്പിക്കാത്ത രീതിയില്‍ മുന്നേറുകയാണ് ഉപ്പും മുളകും. സുരേഷ് ബാബുവിന്റെ തിരക്കഥയില്‍ ആര്‍ ഉണ്ണിക്കൃഷ്ണനാണ് ഈ ഹാസ്യ പരമ്പര ഒരുക്കിയിട്ടുള്ളത്.