ബോളിവുഡും ഹോളിവുഡും ചര്‍ച്ച ചെയ്യുന്ന പ്രധാന വിഷയമാണ് പ്രിയങ്കാ ചോപ്രയുടെ വിവാഹം. അമേരിക്കന്‍ ഗായകന്‍ നിക് ജോനാസിനുമായുള്ള പ്രിങ്കയുടെ വിവാഹം നിശ്ചയം അടുത്തിടെ കഴിഞ്ഞിരുന്നു. അടുത്ത് തന്നെ വിവാഹം ഉണ്ടാവുമെന്ന് താരം തന്നെ അറിയിച്ചിരിന്നു.

എന്നാല്‍ ഇപ്പോള്‍ പുറത്തുവരുന്ന വിവരം അനുസരിച്ച് ഇരുവരുടെയും വിവാഹം ഉടന്‍ ഇല്ലെന്നാണു റിപ്പോര്‍ട്ടുകള്‍. വിവാഹം ഉടന്‍ വേണ്ടെന്നാണു പ്രിയങ്കയുടെയും നിക്കിന്റെയും തീരുമാനമെന്നു അടുത്തവൃത്തങ്ങള്‍ അറിയിച്ചതായി ഹോളിവുഡ് ടാബ്ലോയ്ഡുകളില്‍ വരുന്ന വാര്‍ത്ത.

ഇരുവരും അവര്‍ ഏറ്റെടുത്ത ജോലികള്‍ തീര്‍ക്കാനുള്ള തിരക്കിലാണ്. അതെല്ലാം കഴിഞ്ഞ ശേഷം അടുത്ത വര്‍ഷം മാത്രമേ വിവാഹമുണ്ടാകൂ എന്നാണ് അടുത്തവൃത്തങ്ങള്‍ നല്‍കുന്ന സൂചന. എന്നാല്‍ ഇതിനിടെ നവംബര്‍ 29ന് സുഹൃത്തുക്കള്‍ക്കായി സംഗീത വിരുന്നൊരുക്കാന്‍ നിക് ജോനാസും പ്രിയങ്ക ചോപ്രയും തീരുമാനിച്ചിട്ടുണ്ട്.

വിവാഹ നിശ്ചയത്തിനു ശേഷം ഇരുവരും ഒരുമിച്ചുള്ള യാത്രകളുടെ ചിത്രങ്ങളും വിശേഷങ്ങളുമെല്ലാം ആരാധകര്‍ ഏറ്റെടുത്തിരുന്നു. നിക് ജോനാസും പ്രിയങ്കയും തമ്മിലുള്ള വിവാഹം ഉടന്‍ നടക്കുമെന്നായിരുന്നു നിക്കിന്റെ സഹോദരന്‍ ജോ ജോനാസ് അറിയിച്ചത്. കുഞ്ഞിനെ കുറിച്ചുള്ള ചിന്തകൂടി പ്രിയങ്ക പങ്കുവച്ചതോടെ താരത്തിന്റെ വിവാഹം ഉടന്‍ ഉണ്ടാകുമെന്ന വിലയിരുത്തലിലായിരുന്നു ആരാധകര്‍.