ചുരുങ്ങിയ കാലം കൊണ്ട് മലയാളി പ്രേക്ഷകരുടെ റൊമാന്റിക് ഹീറോ ആയി മാറിയ ടൊവിനോയുടെ ആദ്യ പുസ്തകം 'ഒരു (കു)സുപ്രസിദ്ധ പയ്യന്റെ കുറിപ്പുകള്‍' ഉടന്‍ പുറത്തിറങ്ങും
മലയാളത്തിലെ യുവ താരങ്ങളില്‍ ശ്രദ്ധേയനായ ടൊവിനോ തോമസിന്റെ ഓര്‍മ്മകളും അനുഭവക്കുറിപ്പുകളുമടങ്ങിയ പുസ്തകം 'ഒരു (കു)സുപ്രസിദ്ധ പയ്യന്റെ കുറിപ്പുകള്‍' ഉടന്‍ പുറത്തിറങ്ങും. ചുരുങ്ങിയ കാലം കൊണ്ട് മലയാളി പ്രേക്ഷകരുടെ റൊമാന്റിക് ഹീറോ ആയി മാറിയ ടൊവിനോയുടെ ആദ്യ പുസ്തകമാണിത്. വിദ്യാഭ്യാസം, വായന, യാത്രകള്‍, പ്രണയം, നവ മാധ്യമങ്ങള്‍, ഫാന്‍സ്, സിനിമയിലെ അദൃശ്യ മനുഷ്യര്‍, ധനുഷ്, മാധവിക്കുട്ടി, മതം, രാഷ്ട്രീയം, മനുഷ്യത്വം തുടങ്ങി നിരവധി വിഷയങ്ങളാണ് ടൊവിനോ കുറിപ്പുകളായി അവതരിപ്പിക്കുന്നത്.
ഒരു പ്രേക്ഷകനെന്ന നിലയിലുള്ള തന്റെ ആദ്യ കാലം മുതല്‍ ചലച്ചിത്ര നടനാകുന്നതു വരെയുള്ള നിരവധി ഓര്‍മ്മകള്‍ നടന്‍ പങ്കു വെക്കുന്നുണ്ട്. ജാതി-മത-രാഷ്ട്രീയ ഭേദമന്യേ കേരളീയര്‍ അങ്ങോട്ടുമിങ്ങോട്ടും സ്‌നേഹിച്ചത് അടുത്തിടെയുണ്ടായ പ്രളയ കാലത്താണെന്നാണ് 'പ്രളയ പാഠങ്ങള്‍' എന്ന കുറിപ്പില്‍ വിവരിക്കുന്നു. സംവിധായകനും നടനും എഴുത്തുകാരനുമായ മധുപാലാണ് അവതാരിക തയ്യാറാക്കിയത്. കോഴിക്കോട്ടെ ഇന്‍സൈറ്റ് പബ്ലിക്കയാണ് പ്രസാധകര്‍.
https://www.facebook.com/Malayalivartha
