പതിവ് ടെലിവിഷന്‍ രീതിയില്‍ നിന്ന് ഏറെ വ്യത്യസ്ഥത പുലര്‍ത്തുന്ന ഫ്‌ളവേഴ്‌സ് ചാനലിലെ സൂപ്പര്‍ഹിറ്റ് സീരിയല്‍ ആണ് സീത. ടൈറ്റില്‍ കഥാപാത്രമായ സീതയെ അവതരിപ്പിക്കുന്നത് സ്വാസികയാണ്. പ്രമേയം കൊണ്ടും അവതരണശൈലികൊണ്ടും പ്രേക്ഷക മനസ്സില്‍ ഇടം നേടിയ

സീത മലയാളത്തിലെ മികച്ച സീരിയലുകളില്‍ ഒന്നാണ്. സീതയുടെ ഭര്‍ത്താവായ ഇന്ദ്രന്‍ മരിക്കുന്നതിലൂടെ തളര്‍ന്നുപോയ സീത ഇപ്പോള്‍ തിരിച്ചുവരവ് പ്രേക്ഷകര്‍ക്കും ആശ്വാസം തന്നെ. ഇന്ദ്രനെ കൊന്നവരോട് പ്രതികാരം തീര്‍ക്കുക എന്ന ലക്ഷ്യവുമായിട്ടാണ് സീത ഇപ്പോള്‍ ജീവിക്കുന്നത്. സംഭവബഹുലമായ കഥാ മുഹൂര്‍ത്തങ്ങള്‍ കോര്‍ത്തിണക്കി സീത ജൈത്രയാത്ര തുടരുന്നു.

ആദിലക്ഷമിയുടെ സാഹയത്തോടെ പ്രതികളുടെ രേഖാ ചിത്രം തയ്യാറാക്കുന്ന സീത അവരെ കൊല്ലുക എന്ന ലക്ഷ്യത്തോടെയാണ് ജീവിക്കുന്നത്. പ്രതികളെക്കുറിച്ച് സീത മറിയക്കുട്ടി ഐ.പി.എസുമായും സംസാരിക്കുന്നു. പ്രതികള്‍ ശവക്കോട്ട കോളനിയില്‍ ആയിരിക്കുമെന്ന് സീത സംശയം പ്രകടിപ്പിക്കുന്നു എന്തു വില കൊടുത്താണെങ്കിലും ഇന്ദ്രന്റെ കൊലപാതകികളെ നിയമത്തിന്റെ മുമ്പില്‍ കൊണ്ടുവരുമെന്ന് മറിയക്കുട്ടി പറയുന്നു. എന്നാല്‍ ഇതേ സമയം ഇന്ദ്രന്റെ കൊലപാതകികള്‍ പിടിയില്‍ ആകുമെന്ന് വിചാരിച്ച് സുരേന്ദ്രന്‍ പിളള അവരുമായി കൂടികാഴ്ച്ച നടത്തുന്നു. ശവക്കോട്ട കോളനിയിലേക്ക് താമസം മാറുകയാണെന്ന് അവര്‍ അറിയിക്കുന്നു.

കോളനിയുടെ പ്രേത്യേകതയെക്കുറിച്ചും അവര്‍ പറയുന്നു. പോലീസുകാര്‍ കയറാന്‍ മടിക്കുന്ന ചേരിയായത് കൊണ്ട് അവിടെ വന്ന് അവരെ പൊക്കുക എന്നത് അത്ര എളുപ്പമുളള കാര്യം അല്ല
എന്ന് അവര്‍ പിളളയെ ബോധ്യപ്പെടുത്തുന്നു. അപ്പോഴാണ് സീതയെ കൊല്ലാനായി സുരേന്ദ്രന്‍ പിളളയുടെ ക്വോട്ടേഷന്‍ ഏറ്റെടുത്തുകൊണ്ട് ധര്‍മ്മന്‍ എത്തുന്നത്. ഇളയ സഹോദരിയോട് യാത്ര പറഞ്ഞ് ധര്‍മ്മന്‍ ഇറങ്ങുന്നു. അവന്‍രെ സഹോദരിമാരില്‍ ഒരാളെ ചുട്ടെരിച്ചു കൊന്ന ഇന്ദ്രനോടുളള പ്രതികാരം കൊണ്ട് കൂടിയാണ് ധര്‍മ്മന്‍ ഈ ക്വോട്ടേഷന്‍ ഏറ്റെടുക്കുന്നത്. സുരേന്ദ്രന്‍ പിളളയുമായി കണ്ട് വേണ്ട സഹായങ്ങള്‍ ഒക്കെ ചെയ്ത് തരാന്‍ ആവശ്യപ്പെടുന്നു. ജാനകിയുടെ വീട്ടിലേക്കായിരുന്നു പിന്നീട് ധര്‍മ്മന്‍ എത്തുന്നത്.

അനിരുദ്ധനെ അന്വേഷിച്ചായിരുന്നു ധര്‍മമന്‍ എത്തുന്നത്. രണ്ടുപേരും ഉറ്റ ചങ്ങാതിമാര്‍ ആയിരുന്നു. പൊന്ന് കൂടി പോയതോടെ വീട്ടില്‍ തനിച്ചാകുന്ന അനിരുദ്ധന്റെ ചേച്ചി വഴിയാണ് അനിരുദ്ധന്‍ ജാനകിയുടെ വീട്ടില്‍ ആണെന്ന് ധര്‍മ്മന്‍ മനസ്സിലാക്കുന്നത്. അവര്‍ ബന്ധവും സൗഹൃദവും പുതുക്കുന്നു. ഇന്ദ്രന്‍ ആണ് ധര്‍മ്മന്റെ സഹോദരിയെ കൊന്നത് എന്ന ജാനകിയോട് അനിരുദ്ധന്‍ പറയുന്നുണ്ടെങ്കിലും അവള്‍ അത് വിശ്വസിക്കുന്നില്ല. ജീവിതത്തില്‍ പലവിധേനയും സങ്കടങ്ങള്‍ മാത്രം കിട്ടിയിട്ടുളള സീതയും ആദിലക്ഷമിയും അവരവരുടെ ദുഖങ്ങള്‍ പങ്കുവെയ്ക്കുന്നതോടുകൂടിയാണ് എപ്പിസോഡ് അവസാനിക്കുന്നത്. സീതയെ കൊല്ലുക എന്ന ലക്ഷ്യത്തോടെ എത്തുന്ന ധര്‍മ്മന്‍ അത് ചെയ്യുമോ എന്നുളളതാണ് പ്രേക്ഷകരെ ഇപ്പോള്‍ ആകാംഷയുടെ മുള്‍ മുനയില്‍ എത്തിച്ചിരിക്കുന്നത്.