സിനിമയുടെ ചിത്രീകരണത്തിന് വേണ്ടി കൊച്ചിയിലെത്തിയ സണ്ണി ലിയോണിന്റെ ദൃശ്യങ്ങള്‍ അടുത്തിടെ പുറത്ത് വന്നിരുന്നു. ഇപ്പോഴിതാ മമ്മൂട്ടിയ്‌ക്കൊപ്പം ഷൂട്ടിംഗിനിടെ എടുത്ത ചിത്രമാണ് സോഷ്യല്‍ മീഡിയ കൈയടിക്കിയിരിക്കുന്നത്. മമ്മൂട്ടിയുടെ ഫാന്‍സ് ഗ്രൂപ്പുകളിലൂടെയും മറ്റും വൈറലായി കൊണ്ടിരിക്കുന്ന ചിത്രത്തിന് ട്രോളുകളുമായി ട്രോളന്മാരും എത്തിയിരിക്കുകയാണ്.

സണ്ണി ലിയോണിന് ഏറ്റവുമധികം ആരാധകരുള്ള നാടാണ് കേരളം. നേരത്തെ കൊച്ചിയിലെത്തിയ സണ്ണിയ്ക്ക് വമ്പന്‍ സ്വീകരണമായിരുന്നു ഏര്‍പ്പെടുത്തിയിരുന്നത്. മലയാളികള്‍ ഏറെ കാലമായി കാത്തിരിക്കുന്നതാണ് സണ്ണിയുടെ മലയാള സിനിമയിലേക്കുള്ള അരങ്ങേറ്റത്തിനായി. ഒടുവില്‍ മലയാള സിനിമയുടെ ഭാഗമാവാന്‍ സണ്ണിയും എത്തിയിരിക്കുകയാണ്. മെഗാസ്റ്റാര്‍ മമ്മൂട്ടിയുടെ മധുരരാജയില്‍ അഭിനയിക്കാനാണ് സണ്ണി കൊച്ചിയില്‍ എത്തിയത്. വലിയ സ്വീകരണത്തോടെയാണ് സണ്ണിയെ എയര്‍പോര്‍ട്ടില്‍ നിന്നും ആരാധകരും സിനിമയുടെ അണിയറ പ്രവര്‍ത്തകരും ചേര്‍ന്ന് വരവേറ്റത്.

ഇപ്പോഴിതാ മധുരരാജയുടെ ലൊക്കേഷനിലെത്തിയ സണ്ണി ലിയോണിന്റെ ചിത്രങ്ങളാണ് പുറത്ത് വന്നിരിക്കുന്നത്. മമ്മൂട്ടിയ്ക്കും മറ്റ് അണിയറ പ്രവര്‍ത്തകര്‍ക്കുമൊപ്പം ഇരിക്കുന്ന നടിയുടെ ചിത്രമാണ് സാമൂഹ്യ മാധ്യമങ്ങളിലൂടെ പുറത്ത് വന്നത്.

ഫേസ്ബുക്കില്‍ ട്രോളുകളുടെ രൂപത്തിലും മമ്മൂട്ടിയുടെയും സണ്ണിയുടെയും ചിത്രങ്ങള്‍ പ്രചരിച്ച് കൊണ്ടിരിക്കുകയാണ്. എന്തായാലും പ്രേക്ഷകരെ ത്രസിപ്പിക്കുന്നൊരു ഗാനരംഗം സിനിമിയലുണ്ടാവുമെന്ന കാര്യത്തില്‍ സംശയമില്ല.