സേതുലക്ഷ്മി അമ്മയെ പോലെതന്നെ മലയാളികള്‍ക്ക് സുപരിചിതനാണ് കിഷോര്‍. നാടകങ്ങളിലും കോമഡി സ്‌കിറ്റുകളിലെയും സ്ഥിരം സാന്നിധ്യമായിരുന്നു. വൃക്കരോഗം പിടിപെട്ടതോടെ കിടപ്പിലായിരുന്നു കിഷോര്‍. പത്ത് വര്‍ഷമായി ഡയാലിസിസ് നടത്തിയാണ് ജീവന്‍ പിടിച്ചു നിര്‍ത്തുന്നത്. വാചാലനാവുകയാണ് സേതുലക്ഷമി. നിയമതടസ്സമുള്‍പ്പെടെ പലതിലും തട്ടി ആ ശസ്ത്രക്രിയ നടക്കാതെ പോയി. ഒടുവില്‍ പല കടമ്ബകള്‍ കടന്ന് വട്ടിയൂര്‍ക്കാവ് കൊടുങ്ങാനൂരിലെ ഈ വാടക വീട്ടിലിപ്പോള്‍ ആശ്വാസത്തിന്റെ വെട്ടമെത്തി.

ഭാര്യ ലക്ഷ്മി പകുത്തുനല്‍കുന്ന വൃക്ക സ്വീകരിക്കാന്‍ കാത്തിരിക്കുകയാണ് നടി സേതുലക്ഷ്മിയുടെ മകന്‍ കിഷോര്‍. നാടക കലാകാരനും കോമഡി സ്‌കിറ്റുകളിലൂടെ മലയാളികള്‍ക്ക് പരിചിതനുമായ കിഷോറിനു മുന്നിലുള്ള തടസ്സം ശസ്ത്രക്രിയയ്ക്കുള്ള പണംമാത്രം. എന്നാലിപ്പോൾ നടി സേതുലക്ഷ്മി അമ്മയുടെയും മകന്‍ കിഷോറിന്റെയും കണ്ണീരിനും പ്രാര്‍ത്ഥനകള്‍ക്കും ഫലമുണ്ടായി. കിഷോറിന് ഭാര്യ ലക്ഷ്മിയുടെ വൃക്ക ചേരുമെന്ന് ഡോക്ടര്‍മാര്‍ വ്യക്തമാക്കി. ഭാര്യ ലക്ഷ്മിയുടെ വൃക്ക സ്വീകിരിക്കാന്‍ തയ്യാറിയിരിക്കുകയാണ് കിഷോര്‍. നേരത്തെ കിഷോറിന് വൃക്ക ദാനം ചെയ്യാന്‍ തയ്യാറായി ചിലര്‍ മുന്നോട്ട് വന്നെങ്കിലും മെഡിക്കല്‍ പരിശോധനയില്‍ പരാജയപ്പെട്ടു. ഇതോടെ എന്ത് ചെയ്യണമെന്നറിയാതെ നില്‍ക്കുകയായിരുന്നു സേതുലക്ഷ്മിയമ്മയും കുടുംബവും.

പത്തുവര്‍ഷമായി ഡയാലിസിസിലൂടെയാണ് ജീവന്‍ നിലനിര്‍ത്തുന്നത്. നടി പൊന്നമ്മ ബാബു വൃക്ക നല്‍കാന്‍ തയ്യാറായത് സാമൂഹികമാധ്യമങ്ങളില്‍ ചര്‍ച്ചയായിരുന്നു. എന്നാല്‍, അവരുടെ വൃക്ക യോജിക്കില്ലെന്ന് ഡോക്ടര്‍മാര്‍ പറഞ്ഞതോടെ ആ കുടുംബത്തിന്റെ പ്രതീക്ഷ നഷ്ടപ്പെട്ടു. അതോടുകൂടി മകന്റെ രോഗവുമായി ബന്ധപ്പെട്ട് തനിക്ക് ലഭിച്ചു കൊണ്ടിരുന്ന സഹായങ്ങള്‍ പൊന്നമ്മബാബുവിന്റെ ഇടപെടലോടെ അവസാനിച്ചതായി സേതുലക്ഷ്മി വ്യക്തമാക്കിയിരുന്നു. പൊന്നമ്മ ബാബു പ്രശ്‌നം ഏറ്റെടുത്തതോടെ എല്ലാം ശരിയായെന്നാണ് ചിലര്‍ കരുതിയത്. എന്നാല്‍ അതോടുകൂടി തനിക്ക് ലഭിച്ചു കൊണ്ടിരുന്ന സഹായം നില്‍ക്കുകയായിരുന്നു. മകന് ഡയാലിസിസ് ചെയ്യുന്നുണ്ട്. കിഡ്‌നി മാറ്റിവയ്ക്കണമെന്നാണ് പറയുന്നത്. ഫേസ്ബുക്ക് പ്രൊമോഷന്‍ ചെയ്തതോടെ ഒരുപാടു പൈസ വന്നുകൊണ്ടേയിരുന്നു. ആശുപത്രി ചിലവ് മുഴുവന്‍ വഹിക്കാമെന്ന് അമേരിക്കയിലുള്ള ഒരാള്‍ സമ്മതിച്ചു. അതിനിടയില്‍ പൊന്നമ്മ ബാബു ഏറ്റെടുത്തു. എല്ലാവരും സന്തോഷിച്ചു.''''പൊന്നമ്മ ചോദിച്ചു,' ചേച്ചി കുട്ടനെന്താ പറ്റിയേ (കുട്ടനെന്നാണ് മകനെ വിളിക്കുന്നത്), എന്റെ കിഡ്‌നി 'O' പോസിറ്റീവ് ആണ്. പക്ഷേ ചെറിയ കൊളസ്‌ട്രോള്‍ ഉണ്ട്. ഇതുപോലെ വേറെ കുറേ പേരുടെ പേരു പറഞ്ഞു. പക്ഷേ അവരാരും മുന്നോട്ടു വരാതെ പൊന്നമ്മ ബാബു മാത്രം ഫെയ്മസ് ആയി. അവര്‍ക്ക് കുറേ സ്വീകരണങ്ങളൊക്കെയായി. അപ്പോള്‍ ജനങ്ങള്‍ വിചാരിച്ചു എല്ലാം ശരിയായെന്ന്. പക്ഷേ ചിലര്‍ പറയുന്നത് പൊന്നമ്മയ്ക്ക് എല്ലാം അറിയാമായിരുന്നല്ലോ, അവര്‍ക്ക് ചില പ്രശ്‌നങ്ങളുണ്ട്, കിഡ്‌നി അങ്ങനെ കൊടുത്തുകൂടായെന്ന്. ചിലപ്പോള്‍ അവരുടെ നല്ല മനസു കൊണ്ടു പറഞ്ഞതാകാം. എന്തായാലും എന്റെ വരുമാനം അതോടെ നിന്നു'' - സേതുലക്ഷ്മി വ്യക്തമാക്കിയിരുന്നു.

എന്നാല്‍ ഭാര്യ ലക്ഷ്മിക്ക് മറ്റുചില രോഗങ്ങളുള്ളതിനാല്‍ ഭാര്യയുടെ കാര്യം അതുവരെ പരിഗണിച്ചിരുന്നില്ല. എന്നാല്‍, പരിശോധന കഴിഞ്ഞപ്പോള്‍ ഫലം അനുകൂലമാണെന്ന് ഡോക്ടർ അറിയിച്ചത്. എങ്കിലും ശസ്ത്രക്രിയയ്ക്കു വേണ്ട പണം എങ്ങനെ കണ്ടെത്തുമെന്ന ആശങ്കയിലാണ് കുടുംബം. സേതുലക്ഷ്മിയുടെ സിനിമാ അഭിനയത്തിലൂടെയുള്ള വരുമാനംകൊണ്ടുമാത്രമാണ് ഈ കുടുംബം ഇപ്പോള്‍ മുന്നോട്ട് പോകുന്നത്. മകന്റെ ചികിത്സച്ചെലവിനായി പ്രായാധിക്യംപോലും വകവെയ്ക്കാതെ ഓടിനടന്ന് അഭിനയിക്കുകയാണ് ഈ അമ്മ. സിനിമാലോകം സഹായിക്കുന്നുണ്ടെങ്കിലും ശസ്ത്രക്രിയയ്ക്കുവേണ്ട ഭീമമായ തുകയിലേക്ക് എത്താനാകുന്നില്ല. സേതുലക്ഷ്മിയുടെ മകളും സീരിയല്‍ താരവുമായ ലക്ഷ്മിയും കിഷോറും കുടുംബവും ഒരുമിച്ചാണ് വട്ടിയൂര്‍ക്കാവിലെ വീട്ടില്‍ കഴിയുന്നത്. കിഷോറിനെ സഹായിക്കാനായി സുഹൃത്തുക്കള്‍ ചേര്‍ന്ന് 'സൗഹൃദരാവ്' എന്നപേരില്‍ മെഗാഷോ ഒരുക്കുന്നുണ്ട്. ഫെബ്രുവരി 11-ന് പൂജപ്പുര മൈതാനത്താണ് പരിപാടി.