കുടുംബബന്ധങ്ങൾക്കിടയിലെ പൊരുത്തക്കേടുകളിൽ നിന്ന് പരസ്പ്പരം മനസിലാക്കുന്ന ആത്മസുഹൃത്തിനെത്തന്നെ വരാനായും,തന്റെ കുഞ്ഞിന് അച്ഛനായി കിട്ടിയ സന്തോഷത്തിലാണ് നടി അമ്പിളിദേവി. അമ്പിളി ദേവി, നടന്‍ ആദിത്യൻ വിവാഹത്തെചുറ്റിപ്പറ്റിയുള്ള വിവാദങ്ങള്‍ ഇനിയും കെട്ടടങ്ങിയിട്ടില്ല. പലപ്പോഴും അറിയാത്തകാര്യങ്ങളായിരുന്നു ഇരുവരുടെയും പേരുകളിൽ ഗോസിപ്പ് കോളങ്ങളിൽ നിറഞ്ഞുനിന്നത്. വിവാഹത്തെച്ചൊല്ലി വിവാദങ്ങൾ നിറയുമ്പോൾത്തന്നെ വെളിപ്പെടുത്തലുമായി രംഗത്തെത്തിയിരിക്കുകയാണ് ആദിത്യൻ. ഓൺലൈൻ മാധ്യമത്തിന് നൽകിയ അഭിമുഖത്തിലായിരുന്നു വെളിപ്പെട്ടുത്തൽ. ആദിത്യന്റെ വാക്കുകൾ ഇങ്ങനെ...

പതിനെട്ട് വർഷം മുമ്പേ അമ്പിളിയെ എനിക്കറിയാം. ഞങ്ങളൊരുമിച്ച് വർഷങ്ങൾക്ക് മുൻപ് തന്നെ ഒട്ടേറെ സീരിയലുകളിൽ അഭിനയിച്ചിരുന്നു. അവളുടെ ആദ്യനായകന്‍ ഞാനാണ്. അന്നൊക്കെ മറ്റാർക്കും ഇല്ലാത്ത ഒരു പ്രത്യേകത അമ്പിളിക്കുണ്ട്. എല്ലാവർക്കും വലിയ ഇഷ്ടമാണ്. സെറ്റലും ആള് വളരെ സൈലന്റാണ്. എനിക്ക് അമ്പിളിയോട് പതിനഞ്ച് വർഷം മുമ്പേ പ്രണയം തോന്നിയിരുന്നു. അമ്പിളിയുടെ അച്ഛനും എന്നെ ഇഷ്ടമായിരുന്നു. ഞങ്ങൾ വിവാഹിതരാകണമെന്ന് ആഗ്രഹിച്ച ഒരുപാട് പേരുണ്ട്. പക്ഷെ ഞാനെന്റെ പ്രണയം തുറന്നുപറഞ്ഞിട്ടില്ല. അപ്പോഴേക്കും ലോവൽ അമ്പിളിയുടെ ജീവിതത്തിലേക്ക് കടന്നുവന്നു. അദ്ദേഹം എന്റെ നല്ല സുഹൃത്തായിരുന്നു.

പിന്നീട് ഇവരുടെ ജീവിതത്തിലെ ചില പ്രശ്നങ്ങളും എന്നോട് ചർച്ച ചെയ്തിട്ടുണ്ട്. ഒരുപാട് പ്രശ്നങ്ങൾ അയാളുമായുള്ള ജീവിതത്തിൽ അമ്പിളി അനുഭവിച്ചു. ഇക്കാര്യങ്ങളൊക്കെ എനിക്ക് അറിയാം. ഒരിക്കലും ഒത്തുപോകാനാവാത്ത രണ്ടുപേർ പിരിയുന്നതാണ് നല്ലതെന്ന തീരുമാനം എടുത്തതോടെയാണ് ഇവർ വേർപിരിയുന്നത്. പിന്നെ എന്തിനാണ് ഇപ്പോൾ കേക്ക് മുറിച്ച് ആഘോഷിക്കുന്നത്. കുറ്റങ്ങളെല്ലാം അമ്പിളിയുടെ മുകളിൽ ചാർത്താൻ മാത്രമാണത്. ഇത്തരം ആക്ഷേപങ്ങള്‍ പ്രതീക്ഷിച്ച് തന്നെയാണ് ഞങ്ങൾ ജീവിതം തുടങ്ങിയത്. അതുകൊണ്ട് ഇതൊന്നും ഞങ്ങളെ ബാധിക്കുന്ന വിഷയമല്ല.

കല്ല്യാണം കഴിഞ്ഞ് മണ്ഡപത്തിൽ നിന്നിറങ്ങി അമ്പിളിയെയും കൂട്ടി ഞാൻ ആദ്യം പോയത് ഡാൻസ് പരിപാടിക്കായിരുന്നു. ഇന്നലെ മകന്റെ പിറന്നാൾ ഞങ്ങളൊരുമിച്ചാണ് കേക്ക് മുറിച്ച് ആഘോഷിച്ചത്. അമ്പിളി എന്ന കലാകാരിയെയും നർത്തകിയെയും മലയാളി ബഹുമാനിക്കുകയും ആരാധിക്കുകയും ചെയ്യുന്ന പോലെ ഞാനും എന്നും ഒപ്പമുണ്ടാകും. ചിലർ വ്യക്തി വൈരാഗ്യത്തിന്റെ പേരിൽ നടത്തുന്ന ഇത്തരം ആരോപണങ്ങളെയും അനാവശ്യ വിവാദങ്ങളെയും ഞങ്ങൾ ഒരുമിച്ച് അവഗണിക്കുകയാണ്. മുന്നിൽ കൈവിട്ടുപോയി എന്ന് ഞാൻ കരുതിയ ജീവിതം മടക്കി കിട്ടിയ സന്തോഷമാണുള്ളത്. 15 വർഷം മുമ്പ് ആദിത്യൻ പ്രണയം തുറന്നുപറഞ്ഞിരുന്നെങ്കിൽ ജീവിതം മറ്റൊന്നാകുമായിരുന്നുവെന്ന് അമ്പിളിയും പ്രതികരിച്ചു.

കഴിഞ്ഞ ഞായറാഴ്ചയായിരുന്നു സീരിയൽ താരങ്ങളായ അമ്പിളി ദേവിയും ജയൻ ആദിത്യനും ബന്ധുക്കളുടെ സാന്നിദ്ധ്യത്തിൽ കൊല്ലം കൊറ്റന്‍ കുളങ്ങര ദേവീക്ഷേത്രത്തില്‍ വച്ച് കഴിഞ്ഞത്. മലയാളത്തിലെ അനശ്വര നടനായ ജയന്റെ സഹോദര പുത്രൻ ആദിത്യന്റെയും, സിനിമാ സീരിയൽ നടിയും, നൃത്താധ്യാപികയുമായ അമ്പിളിദേവിയുടെയും പുനർവിവാഹമായിരുന്നു ഇത്. സമൂഹമാധ്യമങ്ങളിലൂടെ ഇരുവരുടെയും വിവാഹ വിഡിയോയും ഫോട്ടോസും വൈറലായതോടെയാണ് അമ്പിളി ദേവി ആദ്യ വിവാഹ ബന്ധം വേർപെടുത്തിയതെന്ന് സീരിയൽ ഇൻഡസ്ട്രിയിൽ ഉള്ളവരും ആരാധകരും അറിയുന്നത്. ഇതിനുപിന്നാലെ അമ്പിളി ദേവിയുടെ മുന്‍ ഭര്‍ത്താവ് ലോവല്‍ കേക്ക് മുറിച്ചാഘോഷിച്ചത് സമൂഹ മാധ്യമങ്ങളിലുള്‍പ്പടെ വന്‍ ചര്‍ച്ചയ്ക്ക് വഴിവായിക്കുകയും ചെയ്തു. തൊട്ടുപിന്നാലെ അതേ നാണയത്തിൽ തിരിച്ചടിച്ച് അമ്പിളിദേവിയും പ്രതികരിച്ചിരുന്നു.

ആദ്യ ഭർത്താവ് ലോവലുമായുള്ള ബന്ധത്തിലെ ഏഴുവയസുകാരൻ മകന്റെ പിറന്നാൾ ആദിത്യനുമായി ആഘോഷിച്ചായിരുന്നു മധുരപ്രതികാരം ചെയ്തത്. അതേ സമയം വിവാഹത്തിന് പിന്നാലെ ആദിത്യനെതിരെ സോഷ്യല്‍ മീഡിയയില്‍ വന്‍ പ്രചരണങ്ങള്‍ നടന്നു. ഇതിനെതിരെയാണ് നടന്‍ തന്നെ രംഗത്തെത്തിയിരുന്നു. തന്റെ ജീവിതവും കരിയറും നശിപ്പിക്കാന്‍ ശ്രമിക്കുന്നത് ഒരു നിർമ്മാതാവാണെന്നും, തന്റെ നാലാം വിവാഹമായതെന്നും ആ നിർമ്മാതാവ് പടച്ചുവിടുന്നു, ഇനിയും ഇത് തുടർന്നാൽ കൊച്ചിയിൽ നടി ആക്രമിക്കപ്പെട്ടതുപോലെയുള്ള കോളിളക്കമുണ്ടാകുന്ന തെളിവുകൾ പുറത്തുവിടുമെന്നും ആദിത്യൻ താക്കീത് ചെയ്യുന്നു.