തമിഴ് സിനിമ മേഖലയിലെ പ്രധാന നടനും നിർമ്മാതാവും ഗാനരചയിതാവുമാണ് മക്കൾ സെൽവൻ എന്നറിയപ്പെടുന്ന വിജയ് സേതുപതി. തമിഴകത്തിന്റെ സൂപ്പര്‍താരം വിജയ് സേതുപതി ആലപ്പുഴയില്‍ ഒരു തമിഴ് ചിത്രത്തിന്റെ ചിത്രീകരണത്തിനായി എത്തിയിരിക്കുകയാണ്. മക്കള്‍സെല്‍വന്‍ എന്നറിയപ്പെടുന്ന വിജയ് സേതുപതിക്ക് കേരളത്തില്‍ ഏറെ ആരാധകരാണുഉള്ളത്. ജൂനിയര്‍ ആര്‍ട്ടിസ്റ്റില്‍ നിന്നുമാണ് തമിഴകത്തെ മികച്ച നടനായി വിജയ് സേതുപതി മിന്നിതിളങ്ങുന്നത്. കഴിഞ്ഞ ദിവസം ലൊക്കേഷനില്‍ പ്രായമായൊരു വൃദ്ധയും ഷൂട്ടിങ് കാണാന്‍ എത്തിയിരുന്നു. ആരാധകര്‍ക്കിടയില്‍ നിന്നും അമ്മൂമ്മയെ ശ്രദ്ധിച്ച സേതുപതി അവരുടെ അരികിലേയ്ക്ക് ചെന്നു.

പ്രിയതാരത്തോട് എന്തോ പറയുവാന്‍ അവര്‍ വെമ്ബുന്നുണ്ടായിരുന്നു. ചെവി അവരുടെ അരികിലേയ്ക്ക് ചേര്‍ത്തുവെച്ച സേതുപതി ആ സങ്കടം കേട്ടു. 'മരുന്ന് വാങ്ങാന്‍ പൈസ ഇല്ല മോനേ' എന്നായിരുന്നു അമ്മൂമ്മ പറഞ്ഞത്. ഉടന്‍ തന്നെ തന്റെ സഹായികളോട് കയ്യിലുള്ള പണം തരന്‍ ആവശ്യപ്പെട്ടു. ആരുടെയെങ്കിലും കൈയ്യില്‍ പേഴ്‌സ് ഉണ്ടോ എന്നായിരുന്നു ചോദ്യം. അവസാനം അദ്ദേഹത്തിന്റെ കോസ്റ്റ്യൂമര്‍ ഇബ്രാഹിമിന്റെ പേഴ്‌സില്‍ നിന്ന് പൈസ എത്രയെന്ന് പോലും നോക്കാതെ വിജയ് സേതുപതി ആ തുക മുഴുവന്‍ ആ വൃദ്ധയ്ക്ക് നല്‍കി. വലിയ കയ്യടികളോടെയാണ് ആരാധകര്‍ മക്കള്‍ സെല്‍വന്റെ ഈ പ്രവര്‍ത്തിയെ വരവേറ്റത്. വിജയ് സേതുപതിയെ ഒരുനോക്ക് കാണുവാനും സ്‌നേഹചുംബനം മേടിക്കുവാനും സെല്‍ഫിയെടുക്കാനും ആരാധകരുടെ വലിയ ഒഴുക്കാണ് അനുഭവപ്പെടുന്നത്.

ആരാധാകരെ അതിരറ്റ് സ്‌നേഹിക്കാന്‍ മാത്രമല്ല കഷ്ടപ്പെടുന്നവരുടെ കണ്ണീരൊപ്പാനും തനിക്ക് കഴിയുമെന്ന് മറ്റൊരു പ്രവര്‍ത്തിയോടെ വിജയ് സേതുപതി തെളിയിച്ചിരിക്കുകയാണ്. അമ്പരപ്പിക്കുന്ന സ്നേഹമാണ് തനിക്കും തന്റെ ചിത്രങ്ങൾക്കും മലയാളി നൽകുന്നതെന്ന് താരം തന്നെ വ്യക്തമാക്കിയിരുന്നു. സിനിമാ ചിത്രീകരണത്തിനായി ആലപ്പുഴയിൽ എത്തിയ വിജയ് സേതുപതി അതുനേരിട്ട് അനുഭവിച്ചറിഞ്ഞതുമാണ്. മക്കൾ സെൽവൻ കീ ജയ്..എന്ന് ആർപ്പുവിളിച്ചാണ് ഷൂട്ടിങ് ലൊക്കേഷനിലേക്ക് ആരാധകർ ഒഴുകിയെത്തിയത്. ചിത്രീകരണത്തിന്റെ ഇടവേളയിൽ പുറത്തിറങ്ങി കൂടി നിന്ന ആരാധകരെ കാണുകളും കൈ കൊടുക്കുകയും ചെയ്തു താരം.

ഒരുമിച്ച് നിന്ന് ഒരു ചിത്രമെടുത്തോട്ടെ എന്നുചോദിച്ച് ആരാധകനോട്, പിന്നെന്താ.. ഉറപ്പായും. പക്ഷേ ഇപ്പോൾ ഷൂട്ടിലാണ് ഇതു കഴിഞ്ഞോട്ടെ എന്നായിരുന്നു വിജയ്​യുടെ മറുപടി. തിരക്കിനിടയിൽ തന്നെ തൊടാൻ കൈനീട്ടിയ കുഞ്ഞാരാധകന്റെ കയ്യിൽ ഒരു ഉമ്മ സമ്മാനിച്ചാണ് താരം സെറ്റിലേക്ക് മടങ്ങിയത്. പോകുമ്പോൾ ഫോട്ടോ എടുക്കാൻ ആഗ്രഹം പ്രകടിച്ച് ആരാധകനോട് വീണ്ടും അക്കാര്യം ഒാർമിക്കുന്ന വിജയ് സേതുപതിയെ അമ്പരപ്പോടെയാണ് കൂടിനിന്നവർ നോക്കിയത്. അതിനുശേഷമുണ്ടായ ഈ സംഭവും വൈറലായതോടെ ആരാധകരുടെ ഉള്ളിൽ വീണ്ടും താരമായി മാറുകയാണ് വിജയ് സേതുപതി.