മീടൂ ക്യാംപെയ്നു ശേഷം തനിയ്ക്കെതിരെ സൈബര് ആക്രമണങ്ങള് ഉയരുകയാണെന്ന് ചിന്മയി
മീടു മൂവ് മെന്റ് ഇന്ത്യന് സിനിമയില് വന് കോളിളക്കം സൃഷ്ടിച്ചിരുന്നു. ബോളിവുഡ് താരം തനുശ്രീ ദത്തയായിരുന്നു മീടു ക്യാംപെയ്നുമായി ആദ്യം രംഗത്തെത്തിയത്. ഇതിനു പിന്നാലെ ഞെട്ടിപ്പിക്കുന്നതും കേട്ടല് അറപ്പിക്കുന്നതുമായുളള നിരവധി വെളിപ്പെടുത്തലുമായി പല താരങ്ങളും സിനിമയിലെ വനിത പ്രവര്ത്തകരും രംഗത്തെത്തിയിരുന്നു. പ്രശസ്ത ഗാനരചയിതാവും കവിയുമായ വൈരമുത്തുവിനെതിരെയുളള ഗായിക ചിന്മയി രംഗത്തെത്തിയിരുന്നു. ഇത് തമിഴ് സിനിമ മേഖലയെ തന്നെ ഞെട്ടിപ്പിച്ചിരുന്നു. ഇപ്പോഴിത തനിയ്ക്ക് നേരിടുന്ന സൈബര് ആക്രമണത്തെ കുറിച്ച് താരം തുറന്നടിക്കുകയാണ്.
മീടൂ ക്യാംപെയ്നു ശേഷം തനിയ്ക്കെതിരെ സൈബര് ആക്രമണങ്ങള് ഉയരുകയാണെന്ന് ചിന്മയി. തന്റെ ട്വിറ്ററിലൂടെയാണ് താരം ഇക്കാര്യം പറഞ്ഞത്. തന്റെ ചിത്രങ്ങള് അശ്ലീസ സൈറ്റുകളില് അപ്ലോഡ് ചെയ്ത ആനന്ദം കണ്ടെത്തുവരുണ്ട്. അത് കണ്ടിട്ട് വെറുപ്പുളവാക്കുന്ന രീതിയിലുള്ള മോശം സന്ദേശം ധാരളം കിട്ടുന്നുണ്ടെന്നും ചിന്മായി പറഞ്ഞു.
തന്റെ ചിത്രങ്ങള് കണ്ടിട്ട് ചിലര് ഇന്ത്യന് വസ്ത്രങ്ങള് ധരിച്ച് സമൂഹത്തിന് മാതൃകയാകണമെന്ന് പറഞ്ഞു കൊണ്ട് സന്ദേശമയക്കുന്നുണ്ട്. ഇവരുടെ ഉപദേശത്തിനും താരം മറുപടി നല്കുന്നുണ്ട്. ഞാന് സാരി ഉടുക്കുകയാണെങ്കില് ചില ഫോട്ടേഗ്രാഫര്മാര് തന്റെ അരക്കെട്ടിന്റേയും മാറിടത്തിന്റേയും ചിത്രം പകര്ത്തി വൃത്തമിട്ട് മറ്റ് സൈറ്റുകളില് അപ്ലോഡ് ചെയ്യും.
ഇത്തരത്തിലുളള എന്റെ ചിത്രങ്ങള് കണ്ട് ചിലര് വളരെ മോശമായ സന്ദേശങ്ങള് അയക്കാറുണ്ട്. തന്റെ ചിത്രങ്ങള് കണ്ട് സ്വയം ഭോഗം ചെയ്യുകയാണെന്നും മറ്റുമുള്ള അശ്ലീല കമന്റുകള് പ്രത്യക്ഷപ്പെടാറുണ്ട്. സാരിയുടുത്താലും ജീന്സ് ധരിച്ചാലും എനിയ്ക്ക് ഇന്ത്യക്കാരിയായി മാത്രമേ ജീവിക്കാന് സാധിക്കുകയുള്ളൂവെന്ന് ചിന്മയി പറഞ്ഞു.
https://www.facebook.com/Malayalivartha