സ്ത്രീകള്‍ക്ക് വേറെ എത്രയോ ക്ഷേത്രങ്ങളുണ്ട് ശബരിമലയെ വെറുതെ വിട്ടുകൂടെ: പൃഥ്വിരാജ്
ശബരിമലയിലെ സ്ത്രീ പ്രവേശന വിഷയത്തില്‍ നയം വ്യക്തമാക്കി നടന്‍ പൃഥ്വിരാജ്. ഒരു അഭിമുഖത്തിലാണ് പൃഥ്വിരാജ് ഇക്കാര്യത്തിലുള്ള തന്റെ നിലപാട് പരസ്യമാക്കിയത്.
പൃഥ്വിയുടെ നിലപാട് ഇങ്ങനെ:
പ്രായം കൂടും തോറും ദൈവങ്ങളിലും ബിംബങ്ങളിലുമൊക്കെയുള്ള വിശ്വാസം നഷ്ടപ്പെടുകയാണ്. മതത്തില്‍ തീരെ വിശ്വാസമില്ല. പ്രപഞ്ചത്തെ മുഴുവന്‍ നിയന്ത്രിക്കുന്ന ഒരു ശക്തിയുണ്ടെന്നാണ് കരുതുന്നത്. കുട്ടിക്കാലം മുതല്‍ക്കേ ക്ഷേത്രങ്ങളില്‍ പോയി പ്രാര്‍ഥിച്ചിരുന്നതിനാല്‍ ഇപ്പോഴും അതു തുടരുന്നു. അമ്പലങ്ങളില്‍ പോകാറുണ്ട്, വീട്ടില്‍ പൂജാ മുറിയില്‍ പ്രാര്‍ഥിക്കാറുമുണ്ട്. പള്ളികളിലും പോകും. വിശ്വാസത്തിന്റെ പേരില്‍ നടക്കുന്ന വിവാദങ്ങള്‍ കാണുമ്പോള്‍ വിഷമം തോന്നാറുണ്ട്. എന്തിലാണോ വിശ്വാസം അതില്‍ ഉറച്ചു വിശ്വസിക്കുക. സാത്താനില്‍ ആണെങ്കില്‍ അതില്‍ അടിയുറച്ചു നില്‍ക്കുക.
ക്ഷേത്രത്തില്‍ വിശ്വസിക്കുന്നവരാണെങ്കില്‍ അതിന്റെ ആചാരങ്ങളിലും വിശ്വസിക്കണം. അല്ലെങ്കില്‍ അതിന്റെ പേരില്‍ പ്രശ്‌നങ്ങള്‍ക്കു നില്‍ക്കരുത്. ശബരിമലയില്‍ ദര്‍ശനത്തിനായി പോയ സ്ത്രീകള്‍ അയ്യപ്പനില്‍ അടിയുറച്ച് വിശ്വസിക്കുന്നവരാണോ എന്നറിഞ്ഞാല്‍ അതില്‍ അഭിപ്രായം പറയാം. അതല്ലാതെ വെറുതേ കാട്ടില്‍ ഒരു അയ്യപ്പനുണ്ട്, കാണാന്‍ പോയേക്കാം എന്നാണ് നിലപാടെങ്കില്‍ എനിക്ക് ഒന്നേ പറയാനുള്ളൂ... നിങ്ങള്‍ക്ക് പോകാന്‍ എത്ര ക്ഷേത്രങ്ങളുണ്ട്. ശബരിമലയെ വെറുതേ വിട്ടുകൂടേ... അതിന്റെ പേരില്‍ എന്തിനാണ് ഇത്രയും പേര്‍ക്ക് ബുദ്ധിമുട്ടുണ്ടാക്കുന്നത്. - പൃഥ്വിരാജ് ചോദിക്കുന്നു.
ശബരിമല വിഷയത്തില്‍ ആദ്യമായി പ്രതികരിച്ച മലയാള യുവതാരം അജു വര്‍ഗ്ഗീസായിരുന്നു. പൃഥ്വിരാജിന് സമാനമായ നിലപാടായിരുന്നു അജുവിന്റേതും. വിശ്വാസവും ഭരണ ഘടനയില്‍ പറയുന്ന പൗരാവകാശവും ഒന്നിച്ച് വിലയിരുത്തേണ്ട കാര്യമല്ല. ഭൂരിഭാഗം ജനങ്ങളും എന്താണോ ആവശ്യപ്പെടുന്നത് അത് പ്രാവര്‍ത്തികമാക്കണമെന്നാണ് എന്റെ അഭിപ്രായം. ഞാന്‍ ഒരു ഹിന്ദു അല്ലാത്തതുകൊണ്ടു തന്നെ ആ വിഷയത്തില്‍ എനിക്ക് കാര്യമായ അറിവില്ല. പത്രമാദ്ധ്യമങ്ങളിലൂടെ അറിയാന്‍ കഴിഞ്ഞത് ഭൂരിഭാഗം ജനങ്ങളും വിശ്വാസതതിന്റെ കൂടെയാണെന്നാണ് സിനിമാ രംഗത്തുള്ള ചില വ്യക്തികളുടെ ഇന്റര്‍വ്യൂ ഞാന്‍ കണ്ടു. അവരെല്ലാം പറയുന്നത് ഞങ്ങള്‍ ശബരിമലയില്‍ പോകില്ലെന്നാണ്. വിശ്വാസവും ഭരണ ഘടനയില്‍ പറയുന്ന പൗരാവകാശവും ഒന്നിച്ച് വിലയിരുത്തേണ്ട കാര്യമല്ല. പിന്നെ ഇതിലൂടെ ചില രാഷ്ട്രീയ മുതലെടുപ്പും നടക്കുന്നുണ്ട്, എന്നായിരുന്നു അജു പറഞ്ഞത്.
എന്നാല്‍ ഇതില്‍ നിന്നെല്ലാം വ്യത്യസ്തമായി സ്ത്രീകള്‍ക്ക് പിന്തുണ അറിയിക്കുകയാണ് തമിഴ്താരം വിജയ് സേതുപതി ചെയ്തത്. 'ആണായിരിക്കാന്‍ വളരെ എളുപ്പമാണ്. തിന്നു കുടിച്ച് മദിച്ച് ജീവിക്കാം. എന്നാല്‍, സ്ത്രീകള്‍ക്ക് അങ്ങനെയല്ല. എല്ലാമാസവും സ്ത്രീകള്‍ ഒരു വേദന സഹിക്കുന്നുണ്ട്. നമുക്കറിയാം അതെന്തിനുള്ള വേദനയാണെന്ന്. പരിശുദ്ധമാണത്. സ്ത്രീകള്‍ക്കത്തരം ഗുണവിശേഷമില്ലെങ്കില്‍ നമ്മളാരും ഇവിടെയുണ്ടാകില്ല. സ്ത്രീയാണ് ദൈവം. അവരെങ്ങനെ അശുദ്ധരാകും. ശബരിമല വിഷയത്തില്‍ കേരള മുഖ്യമന്ത്രിയുടെ നിലപാടാണ് ശരിയെന്നും അദ്ദേഹം വ്യക്തമാക്കി. എന്നാല്‍ ഇതുവരെ മലയാളത്തിലെ മുതിര്‍ന്ന താരങ്ങളാരും ശബരിമല വിഷയത്തില്‍ പ്രതികരിച്ചിട്ടില്ലയെന്നതും ശ്രദ്ധയമാണ്.
എന്നാല്‍ ശബരിമല സ്ത്രീപ്രവേശന വിഷയത്തില്‍ പൃഥ്വിരാജിന്റെ നിലപാടിനെതിരെ നിരവധിപ്പേര്‍ രംഗത്തെത്തിയിട്ടുണ്ട്. പൃഥ്വിരാജിന്റെ സോഷ്യല്‍ മീഡിയ പേജില്‍ എതിര്‍പ്പുകളുമായി ആരാധകരെത്തി. ശബരിമലയില്‍ ദര്‍ശനത്തിന് പോയ സ്ത്രീകള്‍ അയ്യപ്പനില്‍ അടിയുറച്ച് വിശ്വസിക്കുന്നവരാണോ എന്നറിഞ്ഞാല്‍ അതില്‍ അഭിപ്രായം പറയാമെന്നും അതല്ലാതെ വെറുതേ കാട്ടില്‍ ഒരു അയ്യപ്പനുണ്ട്, കാണാന്‍ പോയേക്കാം എന്നാണ് നിലപാടെങ്കില്‍ നിങ്ങള്‍ക്ക് പോകാന്‍ എത്ര ക്ഷേത്രങ്ങളുണ്ട്. ശബരിമലയെ വെറുതേ വിട്ടുകൂടേ എന്നായിരുന്നു സ്ത്രീ പ്രവേശനത്തെ എതിര്‍ത്ത് പൃഥ്വി പറഞ്ഞത്. പൃഥ്വിരാജിന്റെ ഫെയ്‌സ്ബുക്ക് പേജില്‍ ഒട്ടനവധിപേരാണ് അഭിപ്രായവുമായി രംഗത്തെത്തിയത്. ഒരുവിഭാഗം ശക്തമായി പൃഥ്വിരാജിനെ എതിര്‍ക്കുമ്പോള്‍ മറ്റൊരു വിഭാഗം അദ്ദേഹത്തിന് പിന്തുണയുമായി രംഗത്ത് വന്നിരിക്കുകയാണ്. ഇതിനിടയില്‍ ഇവര്‍ പരസ്പരം പോരടിക്കുന്നുമുണ്ട്. ഒരുപാട് ഇഷ്ടമായിരുന്നു എന്നാല്‍ ഒരു ദിവസം കൊണ്ട് വെറുത്തു പോയി. ഇനി ഒരു സിനിമ പോലും കാണില്ല- ഒരു ആരാധിക കമന്റ് ചെയ്തു. വിശ്വാസികളെ പിന്തുണച്ച പൃഥ്വിരാജിന്റെ എല്ലാ സിനിമകളും ഇനി മുതല്‍ കാണുമെന്ന് പറയുന്നവരും ഈ കൂട്ടത്തിലുണ്ട്.
https://www.facebook.com/Malayalivartha
