സീരിയൽ ലോകത്തെ ഞെട്ടിച്ച് കൊണ്ടായിരുന്നു ആദിത്യനും അമ്പിളി ദേവിയും തമ്മിലുള്ള വിവാഹം നടന്നത്. വിവാഹശേഷം ഇരുവർക്കുമെതിരെ ആരോപണങ്ങളുയർത്തി അമ്പിളി ദേവിയുടെ ആദ്യ ഭർത്താവ് ലോവൽ രംഗത്തെത്തിയിരുന്നു. ഇതോടെ വിവാദവും ആരംഭിച്ചു. കൂടെ നില്‍ക്കുമെന്ന് കരുതിയവര്‍ പോലും കൈവിടുകയും കുപ്രചാരണങ്ങളുമൊക്കെയായപ്പോൾ ആത്മഹത്യക്ക് വരെ ശ്രമിച്ചിരുന്നു.

ഏറെക്കുറെയെ വിവാദങ്ങൾ കെട്ടടങ്ങിരിക്കുകയാണ് ഇപ്പോൾ. ഇതിനിടെ ഭാര്യ അമ്പിളി ദേവിക്കൊപ്പം 15 വർഷം മുന്‍പ് എടുത്ത ചിത്രം പങ്കുവച്ചിരിക്കുകയാണ് ആദിത്യൻ. സുഹൃത്തുക്കളായിരുന്ന സമയത്തെ ചിത്രവും അടുത്തിടെ എടുത്ത ചിത്രവും ചേര്‍ത്താണ് ആദിത്യൻ സമൂഹമാധ്യമത്തിൽ പോസ്റ്റു ചെയ്തത്. ‘പതിനഞ്ചു വർഷം മുൻപുള്ള രണ്ടു പേർ. ഇനി ഇതു വേറെ രീതിയിൽ എടുത്തു കൊല്ലാൻ നോക്കല്ലേ’– ചിത്രത്തിനൊപ്പം ആദിത്യൻ കുറിച്ചു.

താരം പങ്കുവച്ച ചിത്രത്തിനു സ്നേഹാശംസകളുമായി ആരാധകരുമെത്തി. ‘ഫോട്ടോയ്ക്ക് പഴക്കം തോന്നുന്നു, എന്നാല്‍ നിങ്ങൾ പഴയതുപോലെ’, ‘15 ഇയർ ചലഞ്ച് ആണോ,’ ‘പ്രായം കൂടും തോറും ഗ്ലാമറും കൂടുകയാണല്ലോ’ എന്നിങ്ങനെയാണ് കമന്റുകൾ. സ്വന്തം വിശേഷങ്ങളും അഭിപ്രായങ്ങളും ആദിത്യൻ ആരാധകരുമായി സമൂഹമാധ്യമത്തിലൂടെ പങ്കുവയ്ക്കാറുണ്ട്.