ചട്ടക്കാരി സിനിമയുടെ പുതിയ പതിപ്പില്‍ നായകന്‍ സേതുമാധവനായി തിളങ്ങി ശ്രദ്ധേയനായ യുവ താരമാണ് ഹേമന്ത് മേനോന്‍. കൊച്ചി കലൂരില്‍ നടന്ന ചടങ്ങില്‍ ഹേമന്ത് നിലീനക്ക് താലി ചാര്‍ത്തി. പോക്കിരി സൈമണ്‍, ചാര്‍മിനാര്‍ തുടങ്ങിയ ചിത്രങ്ങളിലാണ് ഹേമന്ത് ഏറ്റവും ഒടുവിലായി വെള്ളിത്തിരയിലെത്തിയത്. സുരേഷ് കുമാറിന്റെയും ഉഷയുടെയും മകനാണ്. ജയയുടെയും മധുസൂദനന്‍ നായരുടെയും മകളാണ് വധു നിലീന. വിവാഹ ചടങ്ങില്‍ പങ്കെടുത്ത് മലയാള സിനിമയിലെ പ്രിയ താരങ്ങള്‍. പ്രിയ നടിമാരായ ഭാവന, ഭാമ, രമ്യ നമ്ബീശന്‍, മൃദുല മുരളി, ശാലിന്‍ സോയ തുടങ്ങിയവര്‍ സന്നിഹിതരായിരുന്നു.