ഒമര്‍ ലുലു സംവിധാനം ചെയ്യുന്ന ചിത്രമായ ധമാക്കയുടെ ലൊക്കേഷനില്‍ ഉണ്ടായ സംഭവമാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ഷൂട്ടിങ്ങിനിടെ ചിത്രത്തിലെ നായികയെ നടന്‍ അരുണ്‍ കുമാര്‍ എടുത്ത് പൊക്കി കറങ്ങിയാടുന്ന രംഗത്തിലാണ് ഈ സംഭവം നടന്നത്. ചിത്രത്തിന്റെ നായിക നിക്കി ഗല്‍റാണിയാണ്. ഇതിന്റെ വീഡിയോ സംവിധായകന്‍ ഒമര്‍ ലുലു തന്നെ ഫേസ്ബുക്കില്‍ പങ്കുവച്ചിട്ടുണ്ട്.

അരുണ്‍ ഓടിവന്ന് തന്റെ നായികയെ പൊക്കിയെടുത്ത് കറങ്ങിയ ശേഷം രണ്ടുപേരും തലയ്ക്ക് കൈയും കൊടുത്ത് നില്‍ക്കുന്നതായാണ് വീഡിയോയില്‍ കാണുന്നത്. രണ്ടു മൂന്നു തവണ വേഗത്തില്‍ കറങ്ങിയതിനാല്‍ തലയ്ക്ക് മന്ദത അനുഭവപെട്ടതിനാലാണ് ഇരുവരും തലയ്ക്ക് കൈ കൊടുത്തത്. ഇതിന് മുന്‍പ് ഈ ചിത്രത്തില്‍ അഭിനയിക്കുന്നതിനായി നടനും എം.എല്‍.യുമായ മുകേഷ് ഇന്ത്യന്‍ സൂപ്പര്‍ഹീറോ 'ശക്തിമാന്റെ' വേഷത്തില്‍ നില്‍ക്കുന്ന ചിത്രങ്ങളും വീഡിയോയും വൈറലായിരുന്നു. എം.കെ.നാസര്‍ നിര്‍മ്മിക്കുന്ന ചിത്രത്തിന്റെ 36 ദിവസം നീണ്ടുനിന്ന ആദ്യ ഷെഡ്യൂള്‍ ചിത്രീകരണം ഇതിനോടകം പൂര്‍ത്തിയായിട്ടുണ്ട്. ചിത്രം നവംബറില്‍ റിലീസ് ചെയ്യാനാണ് അണിയറ പ്രവര്‍ത്തകരുടെ പദ്ധതി.