വോഗ് മാഗസിനിലെ നയന്‍താരയുടെ ഫോട്ടോ സോഷ്യല്‍ മീഡിയയില്‍ വൈറലായിരുന്നു. എന്നാല്‍, നയന്‍താര അതിലും രസകരമായ ഒരു ഫോട്ടോയാണ് ഇപ്പോള്‍ ആരാധകര്‍ക്കായി സോഷ്യല്‍ മീഡിയയില്‍ പങ്ക് വച്ചിരിക്കുന്നത്. നയന്‍താരയുടെ തലയുടെ സ്ഥാനത്ത് ഏതോ വിരുതന്‍ തമിഴ് കൊമേഡിയന്‍ വടിവേലുവിന്റെ തല ചേര്‍ത്ത് ഫോട്ടോഷോപ്പ് ചെയ്ത ഫോട്ടോ.

ഇത് ആര് ചെയ്തതായാലും അയാളുടെ കഴിവിനെ എത്ര പ്രശംസിച്ചാലും മതിവരില്ല. എന്റെ പ്രിയതാരം വടിവേലുവിനെ വച്ച് ചിത്രം ചെയ്തതില്‍ നന്ദിയുണ്ട്. എന്തായാലും തന്നേക്കാള്‍ ഭംഗി വടിവേലുവിനാണെന്ന് സമ്മതിക്കുന്നു എന്ന കുറിപ്പോടെയാണ് താരസുന്ദരി ചിത്രങ്ങള്‍ പങ്കുവച്ചിരിക്കുന്നത്.