നടി ബിപാഷയുടെ വിവാഹം ഏപ്രില്‍ 30 നാണെന്നുള്ളത് ഉറപ്പായി. താരം തന്നെ ഇക്കാര്യം സമൂഹ മാധ്യമങ്ങളിലൂടെ അറിയിച്ചു. കൂടാതെ വിവാഹ ക്ഷണകത്തും പുറത്തുവിട്ടു. ട്രെന്‍ഡി ലുക്കിലുള്ള ക്ഷണകത്ത് സമൂഹമാധ്യമങ്ങളില്‍ ചര്‍ച്ചാവിഷയമായി കഴിഞ്ഞു. മങ്കി ലവ് എന്നാണ് ഇരുവരും തങ്ങളുടെ പ്രണയത്തെ വിശേഷിപ്പിച്ചിരിക്കുന്നത്.

ഇരുവരുടെയും ഫോട്ടോയാണ് ക്ഷണകത്തിലെ മുഖ്യ ആകര്‍ഷണം. ക്രിസ്തീയ വിവാഹ വേഷത്തിലാണ് ഇരുവരും ഫോട്ടോയ്ക്ക് പോസ് ചെയ്തിരിക്കുന്നത്. വൈകുന്നേരം 6 ന് മുംബൈയിലെ പല്ലാസ്യോ ബന്‍ക്വറ്റിലാണ് വിവാഹം. അടുത്ത സുഹൃത്തുക്കളും ബന്ധുക്കളും മാത്രമാണ് വിവാഹത്തില്‍ പങ്കെടുക്കുക.

ജോണ്‍ എബ്രഹാം, ഡിനോ മോറിയ, ഹര്‍മന്‍ ബവേജ തുടങ്ങിയവരുമായി ബിപാഷയ്ക്ക് പ്രണയമുണ്ടായിരുന്നു. രണ്ട് വര്‍ഷത്തിനു മുന്‍പാണ് കരണിനെ ബിപാഷ പരിചയപ്പെടുന്നത്. കരണ്‍ സിംഗ് ഗ്രോവറിന്റെ മൂന്നാമത്തെ വിവാഹമാണിത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha