വിനീത് ശ്രീനിവാസന്റെ സംവിധാനം ചെയ്ത ജേക്കബിന്റെ സ്വര്‍ഗരാജ്യം എന്ന സിനിമ കാണാന്‍ പരീക്ഷയെ അവഗണിച്ച് ആദ്യ ഷോക്ക് ടിക്കറ്റ് ബുക്ക് ചെയ്ത ആരാധകനോടു ആദ്യം പോയി പരീക്ഷയ്ക്ക് നന്നായി പഠിക്കാന്‍ ഉപദേശിച്ച് വിനീത് ശ്രീനിവാസന്‍. പരീക്ഷയ്ക്ക് പഠിക്കുകയാണ് ആദ്യം വേണ്ടതെന്നും അതുകഴിഞ്ഞ് സിനിമ കണ്ടാല്‍ മതിയെന്നും ആരാധകന് വിനീത് മറുപടി നല്‍കി. ചിത്രം കാണാന്‍ പ്രേക്ഷകരെ ക്ഷണിച്ചുകൊണ്ട് ഒരു കത്ത് വിനീത് തന്റെ ഫേസ്ബുക്കില്‍ പോസ്റ്റ് ചെയ്തിരുന്നു.

ഈ പോസ്റ്റിനു താഴെയാണ് സനത് ശിവരാജ് എന്ന ആരാധകന്‍ ഉച്ചയ്ക്ക് പരീക്ഷയുണ്ടായിട്ടും ആദ്യത്തെ ഷോക്ക് തന്നെ ടിക്കറ്റ് ബുക്ക് ചെയ്തതായി കമന്റിട്ടത്. ഇതിനു മറുപടി കമന്റ് ആയാണ് വിനീത് ആരാധകനെ ഉപദേശിച്ചത്. തന്റെ അടുത്ത സുഹൃത്തിന്റെ കുടുംബവും ജീവിതവുമാണ് ചിത്രത്തിന്റെ പ്രചോദനമെന്നും, നല്ലൊരു സിനിമ പ്രേക്ഷകരില്‍ എത്തിക്കാന്‍ ശ്രമിച്ചിട്ടുണ്ടെന്നും വിനീത് കത്തില്‍ പറഞ്ഞിരുന്നു.

വിനീത് ശ്രീനിവാസന്‍ സംവിധാനം ചെയ്യുന്ന നാലാമത്തെ ചിത്രമാണ് ജേക്കബിന്റെ സ്വര്‍ഗരാജ്യം. നിവിന്‍ പോളിയാണ് ചിത്രത്തിലെ നായകന്‍. പുതുമുഖം റീബാ ജോണ്‍ നായികയായി എത്തുന്നു. ശ്രീനാഥ് ഭാസി, ലക്ഷ്മി രാമകൃഷ്ണന്‍, സായ് കുമാര്‍, ടി.ജി രവി, ദിനേശ് പ്രഭാകര്‍, അശ്വിന്‍ കുമാര്‍ എന്നിവര്‍ മറ്റു കേന്ദ്ര കഥാപാത്രങ്ങളെ അവതരിപ്പിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha