മഞ്ജുവാര്യരുടെ കൂടെ അഭിനയിക്കുന്നതിന് മുത്തുമണിക്ക് ഭീഷണിയോ? അടുത്തിടെ സിനിമാ ലോകം ചര്‍ച്ച ചെയ്ത വാര്‍ത്തയാണിത്. എന്നാല്‍ തനിക്ക് ആരുടെയും ഭീഷണി ഉണ്ടായിട്ടില്ലെന്ന് താരം പറഞ്ഞു. ഷൂട്ടിംഗ് സമയത്ത് സിനിമയിലുള്ളവരും പുറത്തുള്ളവരും ഇക്കാര്യം ചോദിച്ചിരുന്നു. മഞ്ജുവാര്യരുടെ കൂടെ ഹൗ ഓള്‍ഡ് ആര്‍ യു ഉള്‍പ്പെടെയുള്ള സിനിമകളില്‍ മുത്തുമണി അഭിനയിച്ചിരുന്നു.

സാധാരണ വിവാഹം കഴിഞ്ഞാല്‍ ആരും ഭാര്യമാരെ അഭിനയിക്കാന്‍ വിടില്ല. എന്നാല്‍ മുത്തുമണിയുടെ കാര്യം നേരെ തിരിച്ചാണ്. അമച്വര്‍ നാടകം ചെയ്യുന്ന കാലത്താണ് ഭര്‍ത്താവ് അരുണിനെ പരിചയപ്പെടുന്നത്. അരുണ്‍ നാടകം എഴുതും താരം അഭിനയിക്കും. ആ പരിചയം പ്രണയമായി വളര്‍ന്നു. എട്ട് വര്‍ഷത്തോളം പ്രണയിച്ചു. അതിന് ശേഷമാണ് സിനിമയില്‍ അഭിനയിക്കുന്നത് തന്നെ. രസതന്ത്രത്തിലേക്ക് സത്യന്‍ അന്തിക്കാട് വിളിച്ചപ്പോള്‍ നീ പോയി അഭിനയിക്കാനാണ് അരുണ്‍ പറഞ്ഞത്. രണ്ടാമത് ജോലി ഉപേക്ഷിച്ചാണ് സിനിമയില്‍ സജീവമായത്. അപ്പോഴും അരുണിന്റെ പിന്തുണ ഉണ്ടായിരുന്നു.

പത്താംക്ലാസില്‍ പഠിക്കുമ്പോള്‍ യുവജനോല്‍സവത്തില്‍ മികച്ച നടിക്കുള്ള പുരസ്‌ക്കാരം ലഭിച്ചു. അങ്ങനെയാണ് അമച്വര്‍ നാടക രംഗത്തേക്ക് വരുന്നത്.  എം. മുകുന്ദന്റെ ഒരു ദളിത് യുവതിയുടെ കദനകഥയില്‍ കേന്ദ്ര കഥാപാത്രത്തെ അവതരിപ്പിച്ചു. പിന്നീട് എന്‍ഷ്യന്റ് ഗ്രീക്ക് തിയേറ്റര്‍ ഫെസ്റ്റിവലില്‍ ഇന്ത്യയെ പ്രതിനിധീകരിച്ച് പങ്കെടുത്തു. അതോടെയാണ് നാടകത്തെ കുറിച്ച് സീരിയസായി ചിന്തിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha