നിയമസഭാ തെരഞ്ഞെടുപ്പ് ഇത്തവണ താരസംഗമം ആയിരിക്കുകയാണ്. മുകേഷ്, ജഗദീഷ്, ഭീമന്‍ രഘു, രാജസേനന്‍ അങ്ങനെ പോകുന്നു സിനിമാക്കാരുടെ നിര. സിദ്ധിഖ്, അശോകന്‍ എന്നിവര്‍ പട്ടികയില്‍ നിന്ന് പുറത്തായി. പക്ഷെ, മല്‍സരിപ്പിക്കാതിരിക്കാന്‍ വേണ്ടി സ്വയം പിന്‍മാറിയതാണ് താനെന്ന് ലാലു അലക്‌സ്. എന്നാല്‍ ലാലു അലക്‌സിന്റെ സ്ഥാനാര്‍ത്ഥി വിഷയം അധികം ചര്‍ച്ച ആയതുമില്ല. തനിക്ക് വ്യക്തമായ രാഷട്രീയവും രാഷ്ട്രീയ കാഴ്ചപ്പാടും ഉണ്ടെന്ന് താരം പറഞ്ഞു.

ജന്‍മ നാടായ പിറവത്ത് സീറ്റ് നല്‍കാമെന്നും മല്‍സരിക്കണമെന്നും ഒരു പാര്‍ട്ടി നിര്‍ദ്ദേശിച്ചിരുന്നു. എന്നാല്‍ താന്‍ തല്‍ക്കാലം രാഷ്ട്രീയത്തില്‍ സജീവമാകാന്‍ തീരുമാനിച്ചിട്ടില്ലെന്ന് താരം പറഞ്ഞു. കൂടുതല്‍ നിര്‍ബന്ധിച്ചപ്പോള്‍ തെരഞ്ഞെടുപ്പില്‍ ജയിച്ച് വന്നാല്‍ മുഖ്യമന്ത്രിയാക്കണമെന്ന് കാച്ചി. അതോടെ വന്നവര്‍ വന്ന വഴിയേ പോയി. എന്നാല്‍ ആരാണ് വന്നതെന്നോ, എന്താണ് പറഞ്ഞതെന്നോ വ്യക്തമാക്കാന്‍ താരം തയ്യാറായില്ല. സിനിമാക്കാര്‍ക്ക് ഇത്തവണ അനുകൂലമായ കാറ്റ് വീശുമെന്നാണ് ലാലു അലക്‌സ് വിശ്വസിക്കുന്നത്.

അതേ സമയം ലാലു അലക്‌സിന് കേരളാ കോണ്‍ഗ്രസ് മാണി ഗ്രൂപ്പുമായി അടുത്തബന്ധമാണ് ഉള്ളത്. അടുത്തിടെ റബ്ബര്‍ കര്‍ഷകരുടെ പ്രശ്‌നങ്ങള്‍ ചൂണ്ടിക്കാട്ടി ജോസ് കെ.മാണി എം.പി കോട്ടയത്ത് നിരാഹാര സമരം കിടന്നപ്പോള്‍ ലാലു അലക്‌സ് സമരപ്പന്തലില്‍ പോയിരുന്നു. കെ. മാണിയുമായി അടുത്ത ബന്ധമാണുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha