താന്‍ ഇനി ഐസ്‌ക്രീം കഴിക്കില്ലെന്ന് ഷാറൂഖ്. മുമ്പൊക്കെ നിയന്ത്രണമില്ലാതെ ധാരാളം ഐസ്‌ക്രീം കഴിക്കുമായിരുന്നു. ലോകത്തിന്റെ ഏത് കോണില്‍ പോയാലും അവിടെയൊക്കെ കിട്ടുന്ന വിവിധ തരത്തിലുള്ള ഐസ്‌ക്രീമുകള്‍ വാങ്ങി കഴിക്കുമായിരുന്നു. എന്നാല്‍ 50 വയസ് കഴിഞ്ഞതോടെ ഡയറ്റിംഗ് തുടങ്ങി. അതോടെ ഐസ് ക്രീമിനോട് ഗുഡ് ബൈ പറഞ്ഞു. ഡല്‍ഹിയിലെ കുടുംബ വീട്ടില്‍ ചെല്ലുമ്പോഴൊക്കെ മുത്തശി പാത്രം നിറയെ മധുരം തരും. അതൊക്കെ വീട്ടിലുണ്ടാക്കുന്നതാണ്.

മധുരം പണ്ടേ തനിക്ക് വീക്ക്‌നെസ് ആണെന്ന് താരം പറഞ്ഞു. പൊതുവേ താനൊരു മടിയനാണെന്ന് വീട്ടുകാര്‍ പറയാറുണ്ട്. വീട്ടിലുള്ളപ്പോള്‍ വളരെ താമസിച്ചേ എണീക്കു. എന്നാല്‍ മക്കളൊക്കെ വളര്‍ന്നതോടെ അതിനൊക്കെ മാറ്റം വന്നെന്ന് താരം പറഞ്ഞു. നമ്മള്‍ അവര്‍ക്ക് മാതൃകയാകേണ്ടേ. ഷൂട്ടിംഗ് ഉള്ള ദിവസങ്ങളില്‍ കൃത്യസമയത്ത് ചെല്ലേണ്ട രീതിയാലയിരിക്കും ഉണരുക. വ്യായാമം മുടക്കാറില്ല. രാവിലെയായാലും രാത്രിയിലായാലും സംവിധായകന്‍ പറയുന്നതിന് ഒരു മണിക്കൂര്‍ മുമ്പ് ലൊക്കേഷനിലെത്തും.

പുതിയ ചിത്രമായ ഫാന്‍ വലിയ വിജയത്തിലേക്ക് കുതിക്കുകയാണ്. കഴിഞ്ഞ ചിത്രം പരാജയമായിരുന്നു. അന്ന് പഴിചാരിയവരൊക്കെ ഇപ്പോള്‍ ആശംസ അറിയിക്കുന്നു. അതില്‍ വളരെ സന്തോഷമുണ്ടെന്ന് താരം പറഞ്ഞു. സൗത്ത് ഇന്ത്യയിലും വിദേശത്തും മികച്ച പ്രതികരണമാണ് ചിത്രത്തെ കുറിച്ച് ലഭിക്കുന്നത് . ഒരാഴ്ചക്കുള്ളില്‍ ചിത്രം 100 കോടി ക്ലബില്‍ കടക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha