മമ്മൂട്ടിയുടെ നായികയായി മലയാളത്തിലെത്തിയ നടിയാണ് ഹുമ ഖുറേഷി. ഏറെ പ്രാധാന്യത്തോടെയാണ് ബോളിവുഡ് സുന്ദരിയുടെ അരങ്ങേറ്റം മലയാളികള്‍ ആഘോഷിച്ചത്. എന്നാല്‍ മമ്മൂട്ടിയും ഹുമയും താരങ്ങളായ വൈറ്റ് പരാജയമായിരുന്നു.

മലയാളത്തില്‍ പരാജയപ്പെട്ടെങ്കിലും ഹോളിവുഡ് അരങ്ങേറ്റം സാധ്യമായതിന്റെ സന്തോഷത്തിലാണ് ഹുമ. ഗുരുണ്ടര്‍ ചത സംവിധാനം ചെയ്യുന്ന വൈസ് റോയീസ് ഹൗസ് എന്ന ചിത്രത്തില്‍ കേന്ദ്ര കഥാപാത്രത്തെയാണ് ഹുമ അവതരിപ്പിക്കുന്നത്.

ബ്രിട്ടീഷ് കാലഘട്ട പശ്ചാത്തലത്തിലാണ് ചിത്രം. ആലിയ എന്ന കഥാപാത്രത്തെയാണ് ഹുമ അവതരിപ്പിക്കുന്നത്. മനീഷ് ദയാലാണ് ചിത്രത്തിലെ നായകന്‍. 2012ല്‍ ഗ്യാങ്‌സ് ഓഫ് വാസിപ്പൂര്‍ എന്ന ചിത്രത്തിലൂടെയാണ് ഹുമ സിനിമയിലേക്കെത്തിയത്.