ബാലതാരമായാണ് ശ്രീദേവി ജയയ്‌ക്കൊപ്പം അഭിനയിച്ചത്. ആദി പരാശക്തി എന്ന ചിത്രത്തില്‍ ജയ ശക്തി ദേവിയായും ശ്രീദേവി മുരുകനായുമായാണ് അഭിനയിച്ചത്. അന്ന് തുടങ്ങിയ ബന്ധം ശക്തമായി കൊണ്ടു പോയിരുന്നു. 

ജയലളിതയുടെ ആ ഓര്‍മ്മകളുമായാണ് ശ്രീദേവി പോയസ് ഗാര്‍ഡനിലെത്തിയത്. ശ്രീദേവിയുടെ സന്ദര്‍ശനം അണ്ണാ ഡിഎംകെ രഹസ്യമാക്കിയെങ്കിലും പോയസ് ഗാര്‍ഡനില്‍ നിന്ന് പുറത്തു വന്ന ചിത്രത്തില്‍ ശശികലയും ശ്രീദേവിയും കണ്ടു മുട്ടിയതായി വ്യക്തമായിട്ടുണ്ട്. എന്നാലും ഇരുവരും തമ്മിലുള്ള ചര്‍ച്ചയെക്കുറിച്ച് സംസാരിക്കാന്‍ പാര്‍ട്ടി പ്രവര്‍ത്തകര്‍ തയ്യാറായിട്ടില്ല. 

പോയസിലെ എംജിആര്‍ സ്മാരകത്തിലെത്തി പുഷ്പാര്‍ച്ചനയും നടത്തിയാണ് ശ്രീദേവി മടങ്ങിയത്. ജയയുടെ ഒപ്പം താന്‍ അഭിനയിച്ച ഫോട്ടോയും താരം ട്വിറ്ററിലൂടെ ഷെയര്‍ ചെയ്തു. ജയയുടെ ഒപ്പം അഭിനയിക്കാന്‍ സാധിച്ചത് ഭാഗ്യമാണെന്നും ശ്രീദേവി പറഞ്ഞു.