ബോളിവുഡ് ചലച്ചിത്ര മേഖലയിലെ നടനും മോഡലുമാണ് മിലിന്ദ് സോമൻ. സിനിമയിൽ അത്ര പ്രേക്ഷകശ്രദ്ധ നേടാൻ കഴിഞ്ഞില്ലെങ്കിലും ഇപ്പോൾ താരം സമൂഹമാധ്യമങ്ങളിൽ നിറഞ്ഞുനിൽക്കുകയാണ്. തന്റെ കാമുകിയുമായുള്ള സെൽഫി ചിത്രങ്ങൾ സമൂഹമാധ്യമങ്ങളിൽ അദ്ദേഹം പങ്കുവച്ചിരുന്നു.

അതോടുകൂടി മിലിന്ദിനെ അങ്ങേയറ്റം പരിഹസിച്ചുകൊണ്ടുള്ള കമന്റുകളാണ് പ്രത്യക്ഷപ്പെടുന്നത്. വേറൊന്നുമല്ല, ഏവരെയും ചൊടിപ്പിച്ചത് മിലിന്ദ് സോമനും കാമുകിയും തമ്മിലുള്ള പ്രായവ്യത്യാസമാണ്. അമ്പത്തിരണ്ടുകാരനായ മിലിന്ദിന്റെ കാമുകിക്ക് പതിനെട്ട് തികഞ്ഞതേ ഉള്ളൂ.

മിലിന്ദ് കഴിഞ്ഞദിവസം തന്റെ അമ്പത്തിരണ്ടാം പിറന്നാൾ ആഘോഷിച്ചത് കാമുകിയായ അങ്കിത കാന്‍വാറിനൊപ്പമാണ്. ജന്മദിന ചിത്രങ്ങൾ മിലിന്ദ് സോഷ്യൽ മീഡിയയിൽ പങ്കുവയ്ക്കുകയും ചെയ്തു. അപ്പൂപ്പന് ജന്മദിനാശംസകള്‍, കുറച്ചു കൂടി ചെറിയ പെണ്ണിനെ നോക്കികൂടായിരുന്നോ, ഇയാള്‍ മനോരോഗിയാണ്, കൊച്ചുമകള്‍ കാണാന്‍ വളരെ ക്യൂട്ട് ആണെന്ന് തുടങ്ങി നിരവധിപ്പേർ പരിഹസിച്ചുകൊണ്ട് ചിത്രങ്ങൾക്ക് കമന്റ് ചെയ്തു.

മിലിന്ദിനെ പിന്തുണച്ചവരെ നിങ്ങളുടെ മകളെ ഇങ്ങനൊരു ബന്ധത്തിന് സമ്മതിക്കുമോ എന്നും അമ്പത്തിരണ്ടുകാരന്‍ പതിനെട്ടുകാരിയെ ഡേറ്റിംഗ് അല്ല ചൂഷണമാണ് ചെയ്യുന്നതെന്നും അമ്പത് വയസായാലും പ്രശ്നമില്ല പെണ്ണ് കിട്ടുമെന്ന പ്രതീക്ഷയുണ്ട് പക്ഷെ ആരോഗ്യമുണ്ടായിരിക്കണമെന്ന് പറഞ്ഞവരും പ്രണയത്തിന് പ്രായം ഒരു ഘടകമേ അല്ലെന്ന് പറഞ്ഞു കമന്റിട്ടവരും കുറവല്ല.

പല്ല് തേച്ചുകൊണ്ടിരിക്കുന്ന അങ്കിതയുടെ കൂടെ നിന്നെടുത്ത ചിത്രത്തിനും അധിക്ഷേപങ്ങള്‍ നിരവധിയാണ്. അങ്കിത കാന്‍വാര്‍ ഒരു എയര്‍ ഹോസ്റ്റസ് ആണെന്നാണ് റിപ്പോര്‍ട്ടുകള്‍. അവരുടെ പ്രായം പതിനെട്ടാണെന്നും അല്ല ഇരുപത്തിരണ്ടാണെന്നുമുള്ള അഭിപ്രായങ്ങളുമുണ്ട്.

എന്ത് തന്നെയായാലും പ്രായപൂര്‍ത്തിയായ രണ്ട് പേര്‍ക്ക് ആരെ പ്രണയിക്കണമെന്ന് തീരുമാനമെടുക്കാനുള്ള അവകാശമുണ്ടെന്നും വെറുതെ മറ്റുള്ളവരുടെ കാര്യത്തില്‍ ഇടപെടുന്നതെന്തിനാ അവരെ അവരുടെ പാട്ടിനു വിടൂ എന്നും തുടങ്ങി കട്ട പിന്തുണയുമായി മിലിന്ദിന്റെ ആരാധകരും രംഗത്തുണ്ട്. അങ്കിതയുടെ പടങ്ങള്‍ മിലിന്ദ് നേരത്തെയും സാമൂഹിക മാധ്യമങ്ങള്‍ വഴി പങ്കുവച്ചിരുന്നു.