തമിഴ് സിനിമാമേഖലയെ ഉറക്കം കെടുത്തിയിരുന്ന സംഭവമാണ് സുചിലീക്ക്സ് എന്ന പേരിൽ അറിയപ്പെട്ടിരുന്ന വെളിപ്പെടുത്തലുകള്‍. ഗായിക സുചിത്ര കാര്‍ത്തിക് തന്റെ ട്വിറ്റര്‍ ഐഡിയിലൂടെ പ്രമുഖ നടീനടന്മാരുടെ മോശം ചിത്രങ്ങള്‍ പുറത്തുവിടുകയായിരുന്നു.

തമിഴിലെ പ്രമുഖ നടീനടന്മാരുടെയും ഗായകരുടെയും ടിവി അവതാരകരുടെയുമെല്ലാം അശ്ലീല ചിത്രങ്ങള്‍ സുചിത്ര കാര്‍ത്തിക്കിന്റെ ട്വിറ്റര്‍ അക്കൗണ്ടിലൂടെ സുചീലീക്‌സ് എന്ന പേരില്‍ പുറത്ത് വന്നിരുന്നു. തമിഴ് സിനിമ ലോകത്തെ ആകെ പിടിച്ചു കുലുക്കുന്നതായിരുന്നു സൂചിലീക്ക്‌സിന്റെ പല പോസ്റ്റുകളും.

തമിഴിലെ സൂപ്പര്‍ താരം ധനുഷ്, ചിമ്പു, ആന്‍ഡ്രിയ ജെറമിയ, തൃഷ, സംഗീത സംവിധായകന്‍ അനിരുദ്ധ് രവിചന്ദര്‍ എന്നിവരുടേതെന്ന പേരില്‍ പല ദൃശ്യങ്ങളും ഇവര്‍ പറുത്തുവിട്ടു. എന്നാല്‍ യഥാര്‍ത്ഥത്തില്‍ എന്താണ് സംഭവിച്ചതെന്ന് സുചിത്ര തുറന്നു പറഞ്ഞിരുന്നു.

സംഭവം നടന്ന് മാസങ്ങള്‍ക്കുശേഷം ഈ സംഭവത്തില്‍ പോലീസിനെ സമീപിച്ചിരിക്കുകയാണ് നടി അനുയ ഭഗവത്. സോഷ്യല്‍ മീഡിയയില്‍ പ്രത്യക്ഷപ്പെട്ട തന്റെ മോര്‍ഫ് ചെയ്ത ചിത്രങ്ങള്‍ നീക്കം ചെയ്യണം എന്നാവശ്യപ്പെട്ടാണ് അനുയ മുംബൈ പോലീസിന്റെ സൈബര്‍ സെല്ലില്‍ പരാതി നല്‍കിയത്. ഈ ചിത്രങ്ങള്‍ ഉപയോഗിച്ച്‌ തന്നെ ചിലര്‍ വ്യക്തിഹത്യ ചെയ്യുന്നുണ്ടെന്നും അനുയ പരാതിയില്‍ പറയുന്നു.

ഈ പ്രശ്നത്തിന് സ്വയം പരിഹാരം കാണാന്‍ ശ്രമിച്ചതുകൊണ്ടാണ് പോലീസില്‍ പരാതി നല്‍കാന്‍ ഒൻപത് മാസം വൈകിയതെന്ന് അനുയ പറഞ്ഞു. സുചിലീക്ക്സില്‍പെട്ടപ്പോൾ പ്രശ്നം പരിഹരിക്കാന്‍ ഞാന്‍ സ്വയം പരിശ്രമിച്ചിരുന്നു. എന്നാല്‍, ആ ശ്രമം പരാജയപ്പെട്ടു. ഇത് ഉപയോഗിച്ച്‌ ചിലര്‍ എന്നെ വ്യക്തിഹത്യ ചെയ്യുക വരെ ചെയ്തു. ഇതിനുശേഷമാണ് അഭിഭാഷകനുമായി കൂടിയാലോചന നടത്തി കേസ് ഫയല്‍ ചെയ്യാന്‍ തീരുമാനിച്ചത്. അനുയ മാറുമറയ്ക്കാതെ കണ്ണാടിക്ക് മുന്‍പില്‍ നില്‍ക്കുന്ന ചിത്രമായിരുന്നു മെയില്‍ സുചിലീക്ക്സില്‍ പ്രത്യക്ഷപ്പെട്ടത്.ആരോ തന്റെ ട്വിറ്റര്‍ അക്കൗണ്ട് ഹാക്ക് ചെയ്ത് താരങ്ങളുടെ ചിത്രങ്ങള്‍ പോസ്റ്റ് ചെയ്യുകയായിരുന്നുവെന്ന് കാണിച്ച്‌ സുചിത്ര കാര്‍ത്തിക് നല്‍കിയ പരാതിയില്‍ ചെന്നൈ പോലീസ് അന്വേഷണം നടത്തിവരികയാണ്.

സംഭവത്തിൽ അക്കൗണ്ട് ആരോ ഹാക്ക് ചെയ്തതാണെന്ന് സുചിത്രയുടെ ഭര്‍ത്താവ് ആ സമയത്ത് പറഞ്ഞിരുന്നു. എന്നാല്‍ സുചിത്ര പ്രതികരണങ്ങളൊന്നും നടത്തിയിരുന്നില്ല. എന്നാൽ പിന്നീട് ഭര്‍ത്താവിന്റെ വാക്കുകളില്‍ ഉറച്ച് നിന്നുകൊണ്ടാണ് സുചിത്രയും രംഗത്തെത്തിയിരുന്നു. താന്‍ തീര്‍ത്തും ദുഃഖിതയാണെന്നും നാണക്കേടു തോന്നുന്നു എന്നും ജീവിതത്തില്‍ ഏറ്റവും കഠിനമായ രണ്ടു മാസത്തിലൂടെയാണു കടന്നു പോയതെന്നും സുചിത്ര പറഞ്ഞിരുന്നു. പത്തുവര്‍ഷമായി അറിയാവുന്ന ശത്രുതയുള്ള ഒരാള്‍, വ്യക്തിപരമായി താൻ കുറച്ചു വിഷമഘട്ടത്തിലായപ്പോള്‍ കടന്നാക്രമിച്ചുവെന്നാണ് അന്ന് സുചിത്ര പറഞ്ഞത്.