അനുശ്രീ എല്ലാ നടിമാരില്‍ നിന്നും തീര്‍ത്തും വ്യത്യസ്തയാണ്. സെലിബ്രേറ്റി എന്ന തലക്കനം അഴിച്ച വെച്ച് സാധാരണക്കാരില്‍ സാധാരണക്കാരിയായാണ് അനുശ്രീ എല്ലായിടത്തും പ്രത്യക്ഷപ്പെടാറ്. എന്നാല്‍ ഇപ്പോള്‍ താരത്തിന്റെതായി വൈറലാകുന്ന വീഡിയോയില്‍. പുതിയ സിനിമയുടെ സെറ്റില്‍ ലൊക്കേഷന്‍ ജീവനക്കാര്‍ക്ക് ദോശ ചുട്ടുകൊടുത്താണ് അനുശ്രീ പ്രചോദനമാകുന്നത്.

രമേശ് പിഷാരടി സംവിധാനം ചെയ്യുന്ന പഞ്ചവര്‍ണതത്ത എന്ന സിനിമയുടെ സെറ്റിലായിരുന്നു അനുശ്രീയുടെ പ്രവര്‍ത്തി. സമൂഹമാധ്യമത്തിലൂടെ ഇതിന്റെ വീഡിയോയും അനുശ്രീ പങ്കുവച്ചു.കാരവനില്‍ മാത്രം ഇരിക്കുന്ന എല്ലാ നടിമാര്‍ക്കും ഒരു മാതൃകയാണ് അനുശ്രീയെന്നും മറ്റു നടിമാര്‍ ഇത് കണ്ട് പഠിക്കണമെന്നും ആരാധകര്‍ അഭിപ്രായം രേഖപ്പെടുത്തി.