ആദിക്ക് ശേഷം നടൻ പ്രണവ് മോഹൻലാൽ അഭിനയിക്കുന്ന ചിത്രം വൈകും. ഇപ്പോൾ ഹിമാലയത്തിലുള്ള പ്രണവ് മുന്നാഴ്ചകൾക്ക് ശേഷം മാത്രമേ കേരളത്തിൽ മടങ്ങിയെത്തുകയുള്ളു. മടങ്ങി വന്നാലും അദ്ദേഹം ഉടൻ അഭിനയിക്കില്ല.

അടുത്ത് അഭിനയിക്കണോ സംവിധാനം ചെയ്യണമോ എന്നും പ്രണവ് തീരുമാനിച്ചിട്ടില്ല. പ്രണവിനെ അന്വേഷിച്ച് നിരവധി ഓഫറുകളാണ് എത്തുന്നത്. പലതും വൻകിട ബാനറുകളാണ്. എന്നാൽ അത്തരം ബാനറുകളിലൊന്നും കൊത്താൻ പ്രണവ് തയാറല്ല. പ്രണവിന് വേണ്ടത് പണമല്ല. കലയെ ആത്മാർത്ഥമായി സ്നേഹിക്കാനാണ് പ്രണവ് ശ്രമിക്കുന്നത്. അതിൽ കള്ളമില്ല. കലയിലെ കള്ളനാണയങ്ങളിലൊന്നും വിശ്വസിക്കാൻ പ്രണവ് തയ്യാറുമല്ല.

സിനിമയിൽ അഭിനയിക്കാൻ വേണ്ടി മാത്രം ജനിച്ചയാളല്ല താനെന്ന് പ്രണവ് വിശ്വസിക്കുന്നു. അഛനെ പോലെയല്ല പ്രണവ്. അദ്ദേഹം സിനിമാഭിനയത്തെ ഒരു ജോലിയായി കണക്കാക്കുന്നില്ല. കലാമൂല്യമുള്ള സിനിമകളിൽ അഭിനയിക്കാനണ് പ്രണവിന് താത്പര്യം. അഛൻ ഇക്കാര്യത്തിൽ മകനെ ഉപദേശിക്കാറില്ല. ആദി പുറത്തിറങ്ങി കഴിഞ്ഞ ശേഷം കേരളത്തിലുണ്ടായ കോലാഹലങ്ങളെ കുറിച്ചൊന്നും പ്രണവ് അറിയുന്നില്ല. ഹിമാലയത്തിലെ പല സ്ഥലത്തും മൊബൈലിന് നെറ്റ് വർക്കും ഇല്ല.

സംവിധായകൻ ജിത്തു ജോസഫുമായി പ്രണവ് സംസാരിച്ചിരുന്നു. ഹിമാലയ സാനുക്കളിൽ നിന്നാണ് സംസാരിച്ചത്. സിനിമയുടെ വിശേഷങ്ങൾ അറിയാൻ അപ്പുവിന് വെമ്പൽ ഉണ്ടായിരുന്നില്ല. കാരണം എല്ലാം നന്നായി വരുമെന്ന് അപ്പുവിന് അറിയാമായിരുന്നു. തന്റെ സ്വകാര്യതക്ക് മങ്ങലേൽപ്പിക്കാൻ അപ്പു തയ്യാറല്ല. ഒരു പാട് യാത്രകൾ ഇഷ്ടപ്പെടുന്ന നടനാണ് പ്രണവ്. ജിത്തുവുമായി പ്രണവിന് വലിയ മാനസിക അടുപ്പമുണ്ട്. പ്രണവിന്റെ സിനിമാ അരങ്ങേറ്റം ജിത്തുവിന്റെ അസോസിയേറ്റായിട്ടായിരുന്നു.

പ്രണവിനെ സിനിമ പഠിപ്പിക്കാൻ ജിത്തുവിന്റെ അടുത്തേക്ക് മോഹൻലാൽ അയച്ചതിന് പിന്നിൽ വ്യക്തമായ ചില ലക്ഷ്യങ്ങൾ ഉണ്ടായിരുന്നു. തന്റെ സിനിമാ ജീവിതത്തിൽ ദൃശ്യം പോലൊരു സിനിമ മോഹൻലാൽ ചെയ്തിട്ടില്ല. അതിന് കാരണക്കാരനായത് ജിത്തുവാണ്. ജിത്തുവിന് ഒരു മൂന്നാം കണ്ണുണ്ടെന്ന് മോഹൻലാൽ വിശ്വസിക്കുന്നു. മറ്റാരും ചെയ്യാത്തതാണ് ജിത്തു ചെയ്യുന്നത്. വ്യത്യസ്തമായി ചിന്തിക്കാനും വ്യത്യസ്തമായി പ്രവർത്തിക്കാനും ജിത്തുവിനറിയാം.

ഇന്ന് മോഹൻലാലിന്റെ ഏറ്റവും വിശ്വസ്തനായി ജിത്തു മാറിയിരിക്കുന്നു. അതു കൊണ്ടു തന്നെയാണ് മകനെ മോഹൻലാൽ ജിത്തുവിനെ ഏൽപ്പിച്ചത്. പ്രണവും ജിത്തുവും കുട്ടിയാലോചിച്ചാണ് ഇപ്പോൾ കാര്യങ്ങൾ തീരുമാനിക്കുന്നത്. ചലച്ചിത്ര സംവിധായകനാവാണ് പ്രണവ് സിനിമയിലെത്തിയത്. നടനാവാനല്ല. അതിനാൽ ഇനി നടനാകുമോ സംവിധായകനാകുമോ എന്നും വ്യക്തമല്ല. സന്യാസതുല്യമാണ് പ്രണവിന്റെ മനസ്.