പ്രണവിനൊപ്പം പാര്കൗര് അഭ്യാസവും വൈറൽ; ചെറുപ്പത്തിലെ പരിശീലനം തുണച്ചത് ആദിയിൽ
ആദി മികച്ച കളക്ഷനുമായി തിയറ്ററുകളില് മുന്നേറുമ്പോൾ പ്രണവ് മോഹന്ലാല് പാർകൗർ അഭ്യാസങ്ങള് നടത്തുന്ന രംഗങ്ങളാണ് ഏറെ ചര്ച്ചയാകുന്നത്. മലയാളത്തില് ഇതു വരെ പരീക്ഷിച്ചിട്ടില്ലാത്ത പുതിയ രീതിയായതിനാല് ചിത്രം വ്യത്യസ്താനുഭവമായി മാറുകയാണ്.
അതിവേഗം തടസങ്ങള് ചാടി മറികടന്ന് നടത്തുന്ന അഭ്യാസപ്രകടനമാണ് പാർകൗർ. ചെറുപ്പത്തില് പ്രണവ് പാര്ക്കറില് പരിശീലനം നടത്തിയിട്ടുണ്ട് എന്നതാണ് ആദിയിലെ ആക്ഷന് രംഗങ്ങള് ഈ രീതിയില് ചിത്രീകരിക്കാന് പ്രചോദനമായത്.
പ്രണവ് ബാലതാരമായി അഭിനയിച്ച ഒന്നാമന് എന്ന ചിത്രത്തിലെ വീഡിയോയാണ് ഇപ്പോള് യൂട്യുബിലെ തരംഗം. മലയാളത്തില് ബാലതാരങ്ങളായി എത്തിയ ആരും ഇതു വരെ പരീക്ഷിച്ചിട്ടില്ലാത്തതും അഭിനയിച്ചിട്ടില്ലാത്തതുമായ ആക്ഷന് രംഗങ്ങളാണ് പ്രണവ് ഒന്നാമനിലെ വീഡിയോയില് കാണിക്കുന്നത്.
ആദിക്കായി രണ്ടു മാസത്തോളം പാർകൗറിൽ കൂടുതല് പരീശീലനങ്ങളും പ്രണവ് നേടിയിരുന്നു. പ്രണവിന്റെ പാര്ക്കര് സ്റ്റണ്ടുകള് ഒരുക്കിയത് ഫ്രാന്സില് നിന്നെത്തിയ സംഘമാണെന്നാണ് റിപ്പോർട്ടുകൾ പറയുന്നത്.
പാർകൗർ അഭ്യാസത്തിന് ഏറെ ശ്രദ്ധ നേടിക്കൊടുത്ത ഹോളിവുഡ് ചിത്രം ' ഡിസ്ട്രിക്റ്റ് 13 ' ന് ആക്ഷന് കൊറിയോഗ്രഫി നിർവ്വഹിച്ചതും ഇവര് തന്നെ. ആദിയില് അസോസിയേറ്റ് ഡയറക്റ്ററായി പ്രവര്ത്തിച്ചിരുന്ന വിഎസ് വിനായകാണ് പ്രേക്ഷകര്ക്കായി ഇവരെ ഫേസ്ബുക്കില് പരിചയപ്പെടുത്തിയത്.
വീഡിയോ കാണുക...
https://www.facebook.com/Malayalivartha
