ജോലിസ്ഥലത്ത് നിന്നും തെന്നിന്ത്യന്‍ താരം അമലാ പോളിനോട് അശ്ലീല സംഭാഷണം നടത്താന്‍ ശ്രമിച്ച വ്യവസായി ചെന്നെെയില്‍ അറസ്റ്റില്‍. അമലയുടെ പരാതിയില്‍ കൊട്ടിവാക്കത്തുള്ള വ്യവസായി അഴകേശനെയാണ് മാമ്ബലം പൊലീസ് അറസ്റ്റ് ചെയ്തത്.

മലേഷ്യയില്‍ നടക്കുന്ന നൃത്തപരിപാടിക്കായി ചെന്നെെ ടി. നഗറിലുള്ള സ്റ്റുഡിയോയില്‍ പരീശീലനം നടത്തുന്നതിനിടെ അഴകേശന്‍ തന്നോട് അശ്ലീലം പറഞ്ഞെന്നും അപമാനകരമായ രീതിയില്‍ പെരുമാറിയെന്നുമാണ് പരാതി.

തന്റെ മലേഷ്യന്‍ സന്ദര്‍ശനത്തെപ്പറ്റി വ്യക്തമായി അറിഞ്ഞ ഇയാളില്‍ നിന്ന് സുരക്ഷാ പ്രശ്നം നേരിടേണ്ടി വരുമെന്ന ഭയം തനിക്കുണ്ടെന്നും അതിനാലാണ് പൊലീസില്‍ പരാതി നല്‍കിയതെന്നും അമല പറഞ്ഞു. അമലയുടെ പരാതിയുടെ അടിസ്ഥാനത്തില്‍ ഇയാളെ സ്റ്റേഷനില്‍ വിളിച്ചു വരുത്തി ചോദ്യം ചെയ്തതിന് ശേഷം അറസ്റ്റ് രേഖപ്പെടുത്തി.