റിയാലിറ്റി ഷോയ്ക്കിടെ ചുംബനം...ബോളിവുഡ് ഗായകനെതിരെ കേസെടുത്തു
റിയാലിറ്റി ഷോയ്ക്കിടെ പെണ്കുട്ടിയെ ചുംബിച്ച ബോളിവുഡിലെ പ്രശസ്ത ഗായകനായ പപ്പോണിനെതിരെ പൊലീസ് കേസ് രജിസ്റ്റര് ചെയ്തു. ഹോളി ആഘോഷത്തിനിടെയായിരുന്നു ഗായകന്റെ അതിക്രമം. തന്റെ ഫേസ്ബുക്കിലൂടെ ആഘോഷത്തിന്റെ ലൈവ് വീഡിയോ നല്കുന്നതിനിടെയായിരുന്നു ഇയാള് പെണ്കുട്ടിയെ കടന്ന് പിടിച്ച് ചുംബിച്ചത്.
ആസാം സ്റ്റേറ്റ് കമ്മിഷന് ഫോര് പ്രൊട്ടക്ഷന് ഓഫ് ചൈല്ഡ് റൈറ്റ്സ് നല്കിയ പരാതിയിലാണ് പൊലീസ് കേസെടുത്തത്. സംഭവത്തില് ഗുഹാവത്തി പൊലീസാണ് പാപോണിനെതിരെ എഫ്.ഐ.ആര് രജിസ്റ്റര് ചെയ്തിട്ടുണ്ടെന്നും കുറ്റാരോപിതനെ ഉടന് ചോദ്യം ചെയ്യാനായി വിളിപ്പിക്കുമെന്ന് പശ്ചിമ ഗുഹാവത്തി ഡെപ്യൂട്ടി കമ്മിഷണര് മൊനീഷ് മിശ്ര പറഞ്ഞു.
സംഭവത്തിന്റെ വീഡിയോ സമൂഹ മാദ്ധ്യമങ്ങളില് പ്രചരിക്കുകയാണ്. എന്ത് സുരക്ഷിതത്വമാണ് ഇത്തരം റിയാലിറ്റി ഷോകളില് പങ്കെടുക്കുന്ന പെണ്കുട്ടികള്ക്കുള്ളത്. അതുകൊണ്ട് തന്നെ ഇത്തരം സംഭവങ്ങള് ആവര്ത്തിക്കാതിരിക്കാന് ശക്തമായ നിയമങ്ങള് നിലവില് വരേണ്ടതുണ്ടെന്ന് സുപ്രീം കോടതി അഭിഭാഷകനായ റൂണ ഭുയാന് നേരത്തെ പറഞ്ഞിരുന്നു.
അതേസമയം തനിക്ക് നീതിന്യായ വ്യവസ്ഥയില് വിശ്വാസമുണ്ടെന്നും സത്യം ഒരു നാള് പുറത്ത് വരുമെന്നും ഗയകന് പാപ്പോണ് പറഞ്ഞു. താന് സ്വഭാവികമായി ചെയ്ത കാര്യമാണ് ഇതെന്നും ഇന്നത്തെ കാലത്ത് എത്ര നിഷ്കളങ്കതയോടെ ഒരു പെണ്കുട്ടിയ സ്പര്ശിക്കുന്നത് തെറ്റാണ്. അതിനാല് താന് മാപ്പ് പറയുന്നുവെന്നും പാപ്പോണ് വ്യക്തമാക്കി.
https://www.facebook.com/Malayalivartha
