നടി ശ്രീദേവിയുടെ മരണത്തിന്റെ ഞെട്ടല്‍ മാറുന്നതിന് മുന്നെ അതിനുള്ള കാരണങ്ങള്‍ കണ്ടെത്താനാണ് സോഷ്യല്‍ മീഡിയയും ആരാധകരും ഇപ്പോള്‍ ശ്രമിക്കുന്നത്. ശരീര സൗന്ദര്യം നിലനിര്‍ത്തുന്നതിനായി നടത്തിയ ശസ്ത്രക്രിയകളാണ് ശ്രീദേവിയെ അകാലമരണത്തിലേക്കു നയിച്ചതെന്നാണ് ഇപ്പോള്‍ പലരും അഭിപ്രായപ്പെടുന്നത്.

മകളുടെ ആദ്യ സിനിമ റിലീസാകാന്‍ പോകുന്നതിന്റെ മാനസിക സമ്മര്‍ദ്ദം മുതല്‍ അടുത്തിടെ മുഖത്തും ചുണ്ടിലുമായി വരുത്തിയ മാറ്റം വരെ ശ്രീദേവിയുടെ മരണത്തിലേക്കു നയിച്ച കാരണമായി പലരും ഉയര്‍ത്തിക്കാട്ടുന്നുണ്ട്.

ബോളിവുഡിലേക്കുള്ള യാത്ര തുടങ്ങിയ അന്നു മുതല്‍ക്കേ ശ്രീദേവി ഇത്തരം ശസ്ത്രക്രിയകള്‍ നടത്തിയിരുന്നു. കൊഴുപ്പ് വലിച്ചു കളയുന്നതിനു ശസ്ത്രക്രിയകള്‍ നിരവധി പ്രാവശ്യം താരം ചെയ്തിരുന്നുവെന്നാണ് സൂചന. അതുപോലെ സ്തന സൗന്ദര്യം നിലനിര്‍ത്തുന്നതിനുളള ശസ്ത്രക്രിയകള്‍, ത്വക്കിന്റെ ഭംഗി നിലനിര്‍ത്തുന്നതിനുള്ള ലേസര്‍ ചികിത്സകള്‍ തുടങ്ങി നിരവധി ചികിത്സകള്‍ ശ്രീദേവി ചെയ്തിരുന്നതായും മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

ഇതൊക്കെയാകം ശ്രീദേവിയെ മരണത്തിലേക്ക് നയിച്ചതെന്നാണ് ചിലര്‍ പറയുന്നത്. എന്നാല്‍ ഈ ആരോപണങ്ങള്‍ എല്ലാം തള്ളി നടി തന്നെ അടുത്തിടെ രംഗത്തെത്തിയിരുന്നു. ആരോഗ്യ കാര്യത്തില്‍ താന്‍ അതീവശ്രദ്ധാലുവാണെന്ന് താരം തന്നെ അടുത്തിടെ അഭിമുഖങ്ങളില്‍ വ്യക്തമാക്കിയിരുന്നു.