ഏറെ നാളത്തെ പ്രണയത്തിനൊടുവിൽ നടി ശ്രിയ ശരണും റഷ്യന്‍ ടെന്നീസ് താരം ആന്ദ്രെ കൊഷീവും വിവാഹിതരായി. ഇരുവരുടെയും കുടുംബാംഗങ്ങളുടെ ആശീര്‍വാദത്തോടെയാണ് വിവാഹം നടന്നത്. ഹിന്ദു മതാചാരപ്രകാരം നടന്ന വിവാഹത്തിൽ അടുത്ത ബന്ധുക്കള്‍ മാത്രമായിരുന്നു പങ്കെടുത്തത്. ഏറെ നാളായി ഇരുവരും പ്രണയത്തിലായിരുന്നു. വിവാഹ വേദിയില്‍ ശ്രിയയ്ക്കായി കൊഷീവ് ഹിന്ദിയില്‍ കവിത ചൊല്ലിയിരുന്നു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാകുകയാണ്. ചുവന്ന ലഹങ്കയണിഞ്ഞു സുന്ദരിയായാണ് താരമെത്തിയത്.

മുംബൈ അന്ധേരിയിലുള്ള ശ്രിയയുടെ വസതിയില്‍ വച്ച് മാര്‍ച്ച് 12ന് വിവാഹച്ചടങ്ങുകള്‍ നടന്നുവെന്ന് ദേശീയ മാധ്യമങ്ങള്‍ നേരത്തെ റിപ്പോര്‍ട്ട് ചെയ്തിരുന്നു. എന്നാല്‍ ഇതിനെക്കുറിച്ച് ആരാഞ്ഞ മാധ്യമങ്ങളോട് തനിക്കൊന്നും പറയാനില്ലെന്നായിരുന്നു ശ്രിയ വാർത്തയോട് പ്രതികരിച്ചത്. മാര്‍ച്ച് 19ന് ഉദയ്പൂരില്‍ വച്ചാണ് ശ്രിയയും ആന്ദ്രേയും വിവാഹിതരായിരിക്കുന്നത്. ശ്രിയയുടെ ഫാന്‍സ് പേജിലൂടെയാണ് വിവാഹത്തിന്റെയും ഹല്‍ദി ചടങ്ങുകളുടെയും ചിത്രങ്ങളും വിഡിയോയും പുറത്തുവിട്ടിരിക്കുന്നത്.