15 വര്‍ഷത്തെ ഇടവേളയ്ക്കു ശേഷം ഭര്‍ത്താവിനൊപ്പം രമ്യകൃഷ്ണന്‍
തെന്നിന്ത്യന്‍ താരം രമ്യാകൃഷ്ണന്‍ വീണ്ടും ഭര്‍ത്താവ് കൃഷ്ണവംശിയുടെ സംവിധാനത്തില്‍ അഭിനയിക്കാനൊരുങ്ങുന്നു. 15 വര്‍ഷത്തിനു ശേഷമാണ് രമ്യ ഭര്‍ത്താവ് കൃഷ്ണവംശിയുടെ ചിത്രത്തിലഭിനയിക്കുന്നത്.
1998-ല്‍ നാഗാര്‍ജുനയെ നായകനാക്കി കൃഷ്ണവംശി സംവിധാനം ചെയ്ത ചന്ദ്രലേഖ എന്ന ചിത്രത്തില്‍ രമ്യ കൃഷ്ണന്‍ അഭിനയിച്ചിരുന്നു. പിന്നീട് അവര്‍ പ്രണയബദ്ധരാവുകയും 2003-ല്‍ വിവാഹിതരാവുകയും ചെയ്തു. ഇവര്‍ക്കൊരു മകനുണ്ട്.
വിവാഹ ശേഷം 2004-ല്‍ കൃഷ്ണവംശി യുവതാരം നിഥിനെ നായകനാക്കി സംവിധാനം ചെയ്ത ശ്രീ ആഞ്ജനേയം എന്ന ചിത്രത്തിലും രമ്യ കൃഷ്ണന്‍ അഭിനയിച്ചിരുന്നു. അതിനുശേഷം പത്തോളം ചിത്രങ്ങള്‍ കൃഷ്ണവംശി സംവിധാനം ചെയ്‌തെങ്കിലും അവയിലൊന്നിലും രമ്യക്ക് വേഷമില്ലായിരുന്നു.
ഇപ്പോള്‍ പതിനഞ്ചു വര്‍ഷത്തിനുശേഷം ഭര്‍ത്താവിന്റെ ചിത്രത്തില്‍ രമ്യ വീണ്ടും അഭിനയിക്കുകയാണ്. പ്രകാശ് രാജ് നായകനാകുന്ന വന്ദേമാതരം ആണ് ചിത്രം. അടുത്ത വര്‍ഷം ചിത്രം തിയറ്ററുകളിലെത്തും.
https://www.facebook.com/Malayalivartha
