വിവാദങ്ങൾ സൃഷ്ടിച്ച ‘ആടൈ’യുടെ ബോളിവുഡ് റീമേക്ക് വരുന്നു. അമല പോളായിരുന്നു ‘ആടൈയിലെ നായിക. എന്നാൽ ഹിന്ദിയിൽ നായികയായി എത്തുന്നത് ബോളിവുഡിലെ സൂപ്പർ ക്വീൻ കങ്കണ റണാവത്ത് ആണെന്നായിരുന്നു റിപ്പോർട്ടുകൾ. എന്നാൽ ഇപ്പോൾ സത്യാവസ്ഥയുമായി അണിയറപ്രവർത്തകർ എത്തിയിരിക്കുകയാണ്.

ആടൈ സിനിമയുടെ ടീസർ പുറത്തിറങ്ങിയപ്പോൾ തന്നെ ആരാധകർ ഏറ്റെടുത്തിരുന്നു. രത്‌നകുമാറിന്റെ സംവിധാനത്തിൽ പുറത്തിറങ്ങിയ ചിത്രത്തിൽ അമല സിനിമ ജീവിതത്തിൽ തന്നെ ശക്തമായ കഥാപാത്രമായിരുന്നു അവതരിപ്പിച്ചത്. ഹിന്ദി ചിത്രവും രത്‌നകുമാര്‍ തന്നെ ഒരുക്കുമെന്നാണ് റിപ്പോര്‍ട്ടുകള്‍. തന്റെ സിനിമ ഹിന്ദി പതിപ്പിൽ പുറത്തിറക്കുമെന്നുള്ള വാർത്ത അദ്ദേഹം തന്നെയാണ് പുറത്തുവിട്ടത്. ചിത്രത്തിൽ നായികയായി കങ്കണ എത്തുന്നില്ലെന്നാണ് പുറത്തുവരുന്ന വിവരം. ചിത്രത്തിനായി താരത്തെ സമീപിച്ചിട്ടില്ല. ഹിന്ദി പതിപ്പിൽ നായിക കങ്കണ ആയിരിക്കില്ലെന്നും അണിയറ പ്രവര്‍ത്തകര്‍ ഔദ്യോഗികമായി അറിയിച്ചു.

മുൻനിര നായികമാർ ചെയ്യാൻ മടിക്കുന്ന ബോൾഡായ കഥാപാത്രമായിരുന്നു അമല അവതരിപ്പിച്ചത്. ടീസറിൽ അർദ്ധനഗ്നയായാണ് അമല എത്തിയത്. ചിത്രത്തിലെ ഫസ്റ്റ്ലുക്ക് പോസ്റ്ററിൽ മൃഗീയമായി ആക്രമിക്കപ്പെട്ട അവസ്ഥയിലാണ് അമലാ പോളിനെ കാണാനാകുന്നത്. തലൈവി എന്ന ചിത്രത്തിലാണ് കങ്കണ ഇപ്പോൾ അഭിനയിക്കുന്നത്. ചിത്രം പൂർത്തിയാക്കിയാൽ ആടൈക്കൊപ്പം ചേരുമെന്നാണ് റിപ്പോര്‍ട്ടുകള്‍. തമിഴ്‌നാട്ടില്‍ നടന്ന ഒരു യഥാര്‍ത്ഥ സംഭവത്തെ ആസ്പദമാക്കിയായിരുന്നു ആടൈ ചിത്രം ഒരുങ്ങിയത്.