വിജയുടെ വീട്ടില് ബോംബ് ഭീഷണി:ആരാധകൻ അറസ്റ്റിൽ , ബിഗിലിന് ഫാന് ക്ലബ് ടിക്കറ്റ് കിട്ടാത്തതിന്റെ നിരാശയാണ് ആ ബോംബ് ഭീഷണിയ്ക്ക് പിന്നിൽ !
നടന് വിജയ്ക്കെതിരേ ബോംബ് ഭീഷണി മുഴക്കിയ യുവാവിനെ പോലീസ് അറസ്റ്റ് ചെയ്തു. ചെന്നൈ സ്വദേശിയായ അരുണ് എന്ന മണികണ്ഠനാണ് അറസ്റ്റിലായത്. കഴിഞ്ഞ ശനിയാഴ്ചയായിരുന്നു തമിഴ്നാട് പൊലീസ് കണ്ട്രോള് റുമിലേക്ക് ഭീഷണിയെത്തിയത്. വിജയ് അഭിനയിച്ച ഏറ്റവും പുതിയ ചിത്രമായ ബിഗിലിന്റെ ഫാന്സ് ഷോയ്ക്ക് ടിക്കറ്റ് ലഭിക്കാത്തതിനെ തുടര്ന്നാണ് അരുണ് ഭീഷണി മുഴക്കിയത്.
വിജയുടെ വീട്ടില് ബോംബ് വച്ചിട്ടുണ്ടെന്നും ഏതു നിമിഷവും അത് പൊട്ടിത്തെറിക്കുമെന്നുമാണ് ഇയാള് ഫോണിലൂടെ പറഞ്ഞത്. ഭീഷണിയെത്തുടര്ന്ന് ചെന്നൈ സാലിഗ്രാമത്തുള്ള നടന്റെ വീടിന് പോലീസ് കാവല് ഏര്പ്പെടുത്തിയിരുന്നു. ദീപാവലി റിലീസായി പുറത്തിറങ്ങിയ വിജയ് ചിത്രം ബിഗിലിന് ഫാന് ക്ലബ് ടിക്കറ്റ് കിട്ടാത്തതിന്റെ നിരാശയിലായിരുന്നു അരുണ് ഇത്തരത്തിൽ പ്രവർത്തിച്ചത് .
https://www.facebook.com/Malayalivartha