രാജാതമിഴകത്തെ കിരീടം വെക്കാത്ത രാജാക്കന്മാരാണ് രജനികാന്തും കമല്‍ഹാസനും. ഒട്ടേറെ ഹിറ്റ് ചിത്രങ്ങളില്‍ ഇരുവരും ഒന്നിച്ച് അഭിനയിച്ചിട്ടുണ്ട്. ഇരുവരും ഒന്നിച്ചുള്ള ഫോട്ടോകള്‍ ഓണ്‍ലൈനില്‍ തരംഗമാണ് . രജനികാന്തും കമല്‍ഹാസനും വീണ്ടുംഒന്നിക്കുന്ന സിനിമ വീണ്ടും വരുമെന്നാണ് സൂചനകള്‍ പുറത്തുവരുന്നത് . ലോകേഷ് കനകരാജ് ആണ് ചിത്രം സംവിധാനം ചെയ്യുക എന്നാണ് സൂചനകൾ .

രജനികാന്തും കമല്‍ഹാസനും ഒന്നിച്ചഭിനയിക്കുന്ന സൂപ്പര്‍ഹിറ്റ് ചിത്രത്തിനായുള്ള കാത്തിരിപ്പിലാണ് ആരാധകര്‍ . ഇരുവരുടെയും കരിയറിലെ തന്നെ ഏറ്റവും പ്രധാനപ്പെട്ട സിനിമയായും അത് മാറുമെന്ന് ഉറപ്പാണ് . പ്രമേയം എന്തെന്ന് വ്യക്തമായ സൂചനകള്‍ ഇനിയും വന്നിട്ടില്ല. എന്നാല്‍ രജനികാന്ത് അഭിനയം നിര്‍ത്താനൊരുങ്ങുകയാണ് എന്ന് വാർത്തകളും പുറത്തുവന്നിരുന്നു . 2020ല്‍ തന്നെ സജീവരാഷ്‍ട്രീയത്തിലേക്ക് രജനികാന്ത് എത്തുമെന്ന് വാര്‍ത്ത വന്നിരുന്നു. അതിനാല്‍ സിനിമ നിര്‍ത്തുകയാണ് എന്നാണ് തമിഴകത്ത് നിന്നുള്ള സൂചന.