ആവേശം അടക്കാനാകാതെ ആരാധകർ; കുട്ടിദളപതി സിനിമയിലേക്ക്, വില്ലന് വിജയ് സേതുപതി തന്നെ
പുലിക്കുട്ടിക്ക് പൂച്ചക്കുഞ്ഞ് പിറക്കുമോ....എന്ന വാക്കുകൾ അന്വര്ഥമാക്കിക്കൊണ്ട് ഇതാ ആരാധകർ കാത്തിരുന്ന വാർത്ത. കേരളത്തിന് ഏറ്റവും പ്രിയപ്പെട്ട തമിഴ് സൂപ്പർതാരം വിജയുടെ വില്ലനായി വിജയ് സേതുപതി എത്തുന്ന മാസ്റ്ററിനായി ഏറെ ആകാംക്ഷയോടെ കാത്തിരിക്കുകയാണ് ആരാധകർ. എന്നാൽ കൊറോണ വ്യാപനത്തിന്റെ പശ്ചാത്തലത്തിൽ ചിത്രത്തിന്റെ റിലീസ് അനിശ്ചിതകാലത്തേക്ക് നീട്ടിയിരിക്കുകയാണ്.
അതിനിടെ വിജയ് ആരാധകരെ ആവേശത്തിലാഴ്ത്തി മറ്റൊരു വാര്ത്ത കൂടി പരക്കുകയാണ്. വിജയുടെ മകൻ ജെയ്സൺ സഞ്ജയ് നായകുന്നു എന്ന വാർത്തയാണ് പുറത്തേക്ക് വരുന്നത്. താരപുത്രന്റെ അരങ്ങേറ്റ ചിത്രത്തില് മാസ്റ്ററിലെ വില്ലന് കഥാപാത്രത്തിൽ എത്തുന്നത് വിജയ് സേതുപതി തന്നെയാവും എന്നതാണ് സിനിമ പ്രേമികളെ ഞെട്ടലില് ആഴ്തിത്തിയിരിക്കുന്നത്.
അതോടൊപ്പം തന്നെ തെലുങ്ക് ചിത്രം ഉപ്പേനയുടെ തമിഴ് റീമേക്കിലാണ് ജെയ്സണ് അഭിനയിക്കുന്നത്. ഉപ്പേനയില് വിജയ് സേതുപതി വില്ലനായി അഭിനയിച്ചിരുന്നു. മാസ്റ്ററിന്റെ സെറ്റില് വെച്ച് ഇതിനെക്കുറിച്ചുള്ള ചര്ച്ചകള് നടന്നിരുന്നുവെന്നാണ് റിപ്പോര്ട്ടുകള് പറയുന്നു. വിജയ് സേതുപതി തന്നെയാവും ചിത്രം നിർമിക്കുന്നത് തന്നെ. ഇപ്പോള് കാനഡയില് ഫിലിം സ്റ്റഡീസ് പഠനത്തിലാണ് ജെയ്സണ്. നാട്ടിലേക്ക് തിരിച്ചെത്തിയ ശേഷം താരപുത്രൻ അഭിനയത്തിലേക്ക് ചുവടുവെക്കുമെന്നാണ് സൂചന.
എന്നാൽ ഉപ്പേന സംവിധാനം ചെയ്ത ബുചി ബാബു സന തന്നെയാണ് തമിഴ് റീമേക്കും ഒരുക്കുക. കടലിന്റെ പശ്ചാത്തലത്തില് ഒരുക്കിയിട്ടുള്ള പ്രണയകഥയും കോവിഡ് 19 കാരണം റിലീസ് നീട്ടിവെച്ചിരിക്കുകയാണ്. ചിരഞ്ജീവിയുടെ അനന്തരവന് പഞ്ച വൈഷ്ണവ് തേജ് ആണ് ഉപ്പേനയില് നായകനാകുന്നത്. കൃതി ഷെട്ടിയാണ് നായികയായി എത്തുന്നത്. മെയ് 2നാണ് ചിത്രം റിലീസാകേണ്ടിയിരുന്നത്. എന്നാൽ കോറോണയുടെ പശ്ചാത്തലത്തിൽ നീട്ടിയിരിക്കുയാണ്.
https://www.facebook.com/Malayalivartha