സൗന്ദര്യം കൊണ്ടും അഭിനയം കൊണ്ടും തെന്നിന്ത്യന്‍ സിനിമാ ലോകത്ത് ഏറെ ശ്രദ്ധിക്കപ്പെട്ട നടിയാണ് തമന്ന ഭാട്ടിയ. ഇപ്പോളിതാ സോഷ്യല്‍ മീഡിയയില്‍ വൈറലാകുന്നത് തമന്നയുടെ വിവാഹ വാര്‍ത്തയാണ്. പാകിസ്താന്‍ ക്രിക്കറ്റ് താരം അബ്ദുല്‍ റസാഖുമായി താരം പ്രണയത്തിലാണെന്നും ഉടന്‍ വിവാഹിതയാകുമെന്നും വാര്‍ത്ത പ്രചരിക്കുന്നുണ്ട്. തമന്നയും അബ്ദുള്‍ റസാഖും ഒരു ആഭരണക്കടയില്‍ നില്‍ക്കുന്നതിന്റെ ചിത്രം പുറത്തു വന്നതിന് പിന്നാലെയാണ് ഡേറ്റിങ്ങ് വാര്‍ത്ത ഉയരുന്നത്.എന്നാല്‍ ഇത്തരത്തില്‍ പ്രചരിക്കുന്നത് ഒരു പഴയ ചിത്രമാണ്. താരവും അബ്ദുള്‍ റസാക്കും ഒന്നിച്ചെത്തിയ ഒരു ജുവലറി ഉദ്ഘാടന വേളയില്‍ പകര്‍ത്തിയതാണ് ചിത്രം. തന്റെ വിവാഹം സംബന്ധിച്ച് ഉയരുന്ന വാര്‍ത്തകള്‍ തമന്നയും തള്ളി. പ്രണയമെന്ന ആശയത്തെ താന്‍ ഇഷ്ടപ്പെടുന്നുണ്ടെങ്കിലും വ്യക്തിജീവിതത്തിലെ ഇത്തരം കാര്യങ്ങളുമായി ബന്ധപ്പെട്ട് പുറത്തുവരുന്ന അടിസ്ഥാനമില്ലാത്ത വാര്‍ത്തകള്‍ ഒരിക്കലും അംഗീകരിക്കാനാകില്ലെന്നാണ് തമന്നയെ ഉദ്ദരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.