നടന്‍ ചിമ്പുവിന്റെ വിവാഹ വാര്‍ത്തയാണ് ഇപ്പോള്‍ സോഷ്യല്‍ മീഡിയയിലെ സംസാരം. ലോക്ക് ഡൗണ്‍ കഴിയുമ്‌ബോള്‍ ലണ്ടന്‍ സ്വദേശിയുമായുള്ള ചിമ്ബുവിന്റെ വിവാഹമുണ്ടാകുമെന്നാണ് റിപ്പോര്‍ട്ട്. എന്നാല്‍ ആ വാര്‍ത്തയോട് പ്രതികരിച്ച് ചിമ്ബുവിന്റെ പിതാവും നടനും നിര്‍മ്മാതാവുമായ ടി. രാജേന്ദര്‍ രംഗത്തെത്തി.

വാര്‍ത്തകള്‍ വ്യാജമാണെന്നും, ചിമ്ബുവിനു അനുയോജ്യയായ പെണ്ണിനെ തേടുകയാണെന്നും അദ്ദേഹം പറഞ്ഞു. ചിമ്ബുവിന്റെ ജാതകം പൊരുത്തമാകുന്ന അനുയോജ്യയായ വധുവിനെ അന്വേഷിക്കുകയാണെന്നും, അങ്ങനെയൊരാളെ കണ്ടെത്തിയാല്‍ അറിയിക്കുമെന്നും അദ്ദേഹം പറഞ്ഞു. പെണ്‍ക്കുട്ടിയെ കണ്ടെത്തും വരെ തങ്ങളുടെ മകന്റെ വിവാഹ വാര്‍ത്തകള്‍ പ്രചരിപ്പിക്കരുതെന്നും വാര്‍ത്താസമ്മേളനത്തില്‍ അദ്ദേഹം പറഞ്ഞു.
രാജേന്ദ്രന്റെ രണ്ടാമത്തെ മകന്‍ കുരലരസന്റെ വിവാഹ സമയത്തും സമാനമായ വാര്‍ത്തകള്‍ പ്രചരിച്ചിരുന്നു. ഏതെങ്കിലുമൊരു നടിയുമായല്ല ഇഷ്ടപ്പെടുന്ന പെണ്‍കുട്ടിയുമായി വേണം ചിമ്ബുവിന്റെ വിവാഹം നടക്കേണ്ടത് എന്നാണ് അന്ന് രാജേന്ദര്‍ പറഞ്ഞത്. .ജാതകപൊരുത്തമെല്ലാം നോക്കി നല്ലൊരു പെണ്‍കുട്ടിയെ കണ്ടെത്തുമെന്നും, ദൈവം സഹായിക്കുകയാണെങ്കില്‍ ചിമ്ബുവിന്റെ വിവാഹം ഉടനെയുണ്ടാകുമെന്നും രാജേന്ദര്‍ അന്ന് പറഞ്ഞിരുന്നു.