തമിഴ് സിനിമ നടൻ അജിത്തിന്റെ ചെന്നൈയിലെ വീടിനു നേരെ ബോംബ് ഭീഷണി. അജിത്തിന്റെ ഇഞ്ചമ്പാക്കത്തെ വീട്ടിൽ ബോംബ് വച്ചിട്ടുണ്ടെന്ന് പോലീസ് സ്റ്റേഷനിലേക്ക് അജ്ഞാതസന്ദേശം ലഭിച്ചതിനെത്തുടർന്ന് പോലീസ് എത്തി തിരച്ചിൽ നടത്തി.

വില്ലുപുരം ജില്ലയിൽ നിന്നുമാണ് ഫോൺ കോൾ ലഭിച്ചതെന്നാണ് ലഭിക്കുന്ന സൂചന. നേരത്തെ നടൻമാരായ രജനീകാന്തിന്റെയും വിജയ് യുടെയും വീടുകളിലും അജ്ഞാത ബോംബ് ഭീഷണി സന്ദേശം ലഭിച്ചിരുന്നു. വിജയ്ക്കെതിരെ ഭീഷണി മുഴക്കിയ ആളെ തിരച്ചിലിൽ കണ്ടെത്തുകയും ചെയ്തിരുന്നു. വില്ലുപുരത്തെ ഭുവനേഷ് എന്ന വ്യക്തിയെ അന്ന് പോലീസ് കസ്റ്റഡിയിലെടുത്തിരുന്നു. ഭുവനേഷ് തന്നെയാണോ ഫോൺ ചെയ്തതെന്ന് പോലീസ് വ്യക്തമാക്കിയിട്ടില്ല.