പ്രമുഖ കന്നഡ സിനിമ സംവിധായകന്‍ വിജയ് റെഡ്ഡി അന്തരിച്ചു
വിവിധ ദക്ഷിണേന്ത്യന്‍ ഭാഷകളിലായി 50-ഓളം സിനിമകള്‍ സംവിധാനം ചെയ്തിട്ടുള്ള പ്രമുഖ കന്നഡ സിനിമ സംവിധായകന്‍ വിജയ് റെഡ്ഡി അന്തരിച്ചു. 84 വയസ്സായിരുന്നു. ചെന്നൈയില്‍ ഇന്നലെ രാത്രിയായിരുന്നു അന്ത്യം.
കന്നഡയില്‍ മാത്രം 48 സിനിമകള്‍ സംവിധാനം ചെയ്തിട്ടുണ്ട്. രണ്ട് സിനിമകള്‍ക്ക് കഥയും അഞ്ച് സിനിമകള്‍ക്ക് തിരക്കഥയുമൊരുക്കി. രണ്ട് ചിത്രങ്ങള്‍ നിര്‍മ്മിച്ചിട്ടുമുണ്ട്.
അസിസ്റ്റന്റ് എഡിറ്റര്‍ ആയി 1953-ല്‍ പൊതുരംഗത്തുവന്ന വിജയ് റെഡ്ഡി 1970-ല്‍ പുറത്തിറങ്ങിയ 'രംഗമഹല്‍ രഹസ്യ'യോടെയാണ് കന്നഡ സിനിമയില്‍ സജീവമാകുന്നത്. 1973-ല്‍ പുറത്തിറങ്ങിയ 'ഗഥദ ഗുഡി'യാണ് കരിയറില്‍ ഒരു ടേണിംഗ് പോയിന്റ് ആയത്.
വിജയ് റെഡ്ഡി സംവിധാനം ചെയ്ത 'മയൂര' കന്നഡ സിനിമയിലെ ക്ലാസിക് ചിത്രങ്ങളില്‍ ഒന്നായാണ് അറിയപ്പെടുന്നത്. ഷഹനായി കലകാരന്‍ ബിസ്മില്ലാ ഖാനെ മുഖ്യകഥാപാത്രമാക്കിയെടുത്ത 'സനാദി അപ്പാന' ദേശീയ അംഗീകാരം നേടിക്കൊടുത്തു.
കന്നഡയ്ക്കു പുറമേ ഹിന്ദി, തമിഴ്, തെലുങ്ക്, മലയാളം ഭാഷകളിലും ചിത്രങ്ങള്‍ സംവിധാനം ചെയ്തിട്ടുണ്ട്. 2003-ല്‍ ഇറങ്ങിയ ഹൃദയാജ്ഞലിയാണ് അവസാന ചിത്രം.
https://www.facebook.com/Malayalivartha
