കമല്‍ ഹാസന്റെ 66-ാം ജന്മദിനത്തോടനുബന്ധിച്ച് 'വിക്രമിന്റെ' ടൈറ്റില്‍ ടീസര്‍ പുറത്തുവിട്ട് അണിയറപ്രവർത്തകർ. സൂപ്പര്‍ ഹിറ്റായ കെെദിക്കും പുറത്തിറങ്ങാനിരിക്കുന്ന മാസ്റ്ററിനും ശേഷം ലോകേഷ് കനകരാജ് സംവിധാനം ചെയ്യുന്ന ചിത്രമാണ് വിക്രം. ചിത്രത്തിന്റെ ടൈറ്റിൽ ടീസറിന് സോഷ്യൽ മീഡിയയിൽ വൻ വരവേൽപ്പാണ് ലഭിച്ചത്.

അനിരുദ്ധ് രവിചന്ദറാണ് സംഗീതം. കമലിന്റെ ഉ‌ടമസ്ഥതയിലുള്ള രാജ്കമല്‍ ഫിലിംസ് ഇന്റര്‍നാഷണല്‍ ആണ് ചിത്രം നിര്‍മ്മിക്കുന്നത്.അദ്ദേഹത്തിന്റെ 232-ാം ചിത്രമാണ്.

‘ഇത് അങ്ങയുടെ പിറന്നാള്‍ ദിനത്തില്‍ ഞങ്ങള്‍ നല്‍കുന്ന ഒരു എളിയ സമ്മാനമാണ്. തുടര്‍ന്നും ഞങ്ങള്‍ക്ക് പ്രചോദനമാവുക. പിറന്നാള്‍ ആശംസകള്‍.’ ടീസര്‍ പങ്കുവെച്ചുകൊണ്ട് സംവിധായന്‍ ലോകേഷ് കനകരാജ് ട്വിറ്ററില്‍ കുറിച്ചു.