ഹൈദ്രാബാദ്-സിക്കിം ട്രിപ്പുമായി ബിഎംഡബ്ലിയൂവില് അജിത്,വലിമൈയുടെ ചിത്രീകരണം ഉടന് പൂര്ത്തിയാകും
കഴിഞ്ഞ ദിവസം അജിത് തന്റെ ആരാധകനോടൊപ്പം നില്ക്കുന്ന ചിത്രം സമൂഹമാധ്യമങ്ങളില് പ്രചരിച്ചതോടെയാണ് യാത്രയെ കുറിച്ച് ആരാധകര് അറിയുന്നത്. അദ്ദേഹത്തിന്റെ പുതിയ ചിത്രമായ'വലിമൈ'യുടെ ചിത്രീകരണത്തിനു ശേഷം വരാണസിയിലേക്കു പോകുന്ന ചിത്രമെന്നാണ് സോഷ്യല് മീഡിയയിലെ ആരാധകര് പറയുന്നത്.
വഴിവക്കില് നിന്നും ചായകുടിക്കുന്ന അദ്ദേഹത്തെ ആരാധകന് തിരിച്ചറിയുകയും ഒപ്പം നിന്ന് ചിത്രമെടുക്കുകയും ചെയ്തതോടുകൂടിയാണ് സമൂഹമാധ്യമങ്ങള് ചിത്രം ഏറ്റെടുക്കാന് തുടങ്ങിയത്. ചെറിയ ബാഗ് ബൈക്കില് കെട്ടിവെച്ചുകൊണ്ടുള്ള ചിത്രവും സോഷ്യല്മീഡിയയിലെ ആരാധകര് ഏറ്റെടുത്തിരിക്കുകയാണ് .
യാത്രകളെ ഏറെ ഇഷ്ടപ്പെടുന്ന അജിത് ഹൈദ്രാബാദില് നിന്നും 2000 ത്തില് അധികം ദൂരമുള്ള സിക്കിമിലേക്ക് തന്റെ സ്വന്തം വാഹനമായ ബി എം ഡബ്ലിയൂ വിലാണ് യാത്ര ചെയ്യുന്നത്. സിക്കിമിലേക്കുള്ള യാത്രാമദ്ധ്യേയാണ് വാരണാസിയില് വെച്ച് ആരാധാകന് അജിത്തിനെ കണ്ടുമുട്ടിയത്.
സിക്കിമില് നിന്നും തിരിച്ചു ചെന്നൈയിലേക്കും ബൈക്കില് തന്നെയാണ് സഞ്ചാരം . ബൈക്കുകളെ ഏറെ ഇഷ്ടമുള്ളതിനാല് ഇദ്ദേഹത്തിന്റെ ഒരുപാടു ചിത്രങ്ങളില് ബൈക്ക് റൈസിംഗും കാണാന് കഴിഞ്ഞിട്ടുണ്ട്.
എന്നാല് വലിമൈയുടെ ഏകദേശ ചിത്രീകരണവും പൂര്ത്തിയായെന്നും ഇനിയുള്ള 15 ദിവസത്തെ ചിത്രീകരണം സ്പൈനില് വെച്ചുമാണെന്നാണ് ഇപ്പോള് അറിയാന് കഴിയുന്നത്. യെന്നെഅറിന്താലിനു ശേഷം തല ടൈറ്റില് റോളില് പോലീസ് വേഷത്തില് എത്തുന്ന ചിത്രമാണ്'വലിമൈ'.
വരുന്ന മെയ് ഒന്നിന് അജിത്തിന്റെ പിറന്നാളിന് ചിത്രം റിലീസിന് എത്തുമെന്നാണ് മുമ്പേ റിപ്പോര്ട്ടുകള് ലഭിച്ചിരുന്നത് .എന്നാല് കോവിഡ് സാഹചര്യത്തില് ഇപ്പോള് റിലീസ് വേണ്ടെന്നാണ് അജിത് നിര്മ്മിതാക്കളെ അറിയിച്ചിരിക്കുന്നത് .വലിമൈയുടെ ചിത്രീകരണത്തിന് ഇടക്ക് രണ്ടു പ്രാവശ്യം അജിത്തിന് പരുക്കുപറ്റുകയുണ്ടായി . തല ആരാധകര് ഉടന് തന്നെ ചിത്രത്തിന്റെ റിലീസ് പ്രതീക്ഷിച്ചിരിക്കുകയാണ് .
https://www.facebook.com/Malayalivartha