നടി ഓവിയക്കെതിരെ പരാതിയുമായി ബി ജെ പി തമിഴ്‌നാട് ഘടകം. പ്രധാനമന്ത്രി നരേന്ദ്രമോദിയെ അപമാനിച്ചുവെന്ന് ആരോപിച്ചാണ് പ്രശസ്ത തമിഴ് നടി ഓവിയ ഹെലനെതിരെ പരാതി നല്കിയത്. നിരവധി ഉദ്ഘാടന പരിപാടികളുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിയുടെ തമിഴ്‌നാട് സന്ദര്‍ശനത്തിനിടെ ഓവിയെ തന്റെ ട്വീറ്റര്‍ അക്കൗണ്ടിലൂടെ ഗോ ബാക്ക് മോദി എന്ന ഹാഷ് ടാഗ് ട്വീറ്റ് ചെയ്തിരുന്നു. ഇതിനെതിരെയാണ് തമിഴ്‌നാട് പോലീസില്‍ ബി ജെ പി തമിഴ്‌നാട് ഘടകം പരാതി നല്കിയത്.

ട്വീറ്റ് ക്രമസമാധാന ലംഘനം ഉദ്ദേശിച്ചിട്ടുള്ളതാണോയെന്ന് അന്വേഷിക്കണമെന്നാണ് ആവശ്യം. സി ബി-സി ഐ ഡി പോലീസ് സൂപ്രണ്ടിന് നല്കിയ പരാതിയില്‍ ട്വീറ്റിന് എതിരെ ഐ ടി നിയമത്തിലെ വകുപ്പ് 69 എ, ഐ പി സി സെക്ഷന്‍ 124 എ, 153 എ, 294 എന്നീ വകുപ്പുകള്‍ ഉള്‍പ്പെടുത്തി നടപടി സ്വീകരിക്കണമെന്നാണ് ആവശ്യപ്പെടുന്നത്.