തെന്നിന്ത്യന്‍ താരം ആര്യ വിവാഹ വാഗ്ദാനം നല്കി 80 ലക്ഷം രൂപ പറ്റിച്ചുവെന്ന പരാതിയുമായി യുവതി. പ്രധാനമന്ത്രി നരേന്ദ്ര മോദിക്കാണ് യുവതി പരാതി നല്കിയിരിക്കുന്നത്. ചെന്നൈയില്‍ മേഖലയില്‍ ജോലി ചെയ്യുന്ന യുവതി ജര്‍മ്മന്‍ വംശജയാണ്. ചെന്നൈ സ്വദേശികളായ മുഹമ്മദ് അര്‍മ്മാന്‍, ഹുസൈനി എന്നിവര്‍ മുഖേനയാണ് ഇവര്‍ ആര്യയുമായി ബന്ധപ്പെട്ടതെന്ന് ആരോപിക്കുന്നു. തമിഴ് നടന്‍ ആര്യയുടെയും അവരുടെ മാതാവ് ജമീലയുടെയും സാന്നിധ്യത്തിലാണ് പണമിടപാട് നടന്നതെന്നാണ് യുവതിയുടെ ആരോപണം.

ലോക്ഡൗണ്‍ കാലത്ത് തനിക്ക് സിനിമകള്‍ കുറവായതിനാല്‍ സാമ്പത്തിക ബുദ്ധിമുട്ടുണ്ടായെന്നും അതിനാല്‍ ആര്യ സഹായം അഭ്യര്‍ത്ഥിച്ചുവെന്നും യുവതി പരാതിയില്‍ ആരോപിക്കുന്നു. തന്നെ ഇഷ്ടമാണെന്നും വിവാഹ കഴിക്കാന്‍ താത്പര്യമുണ്ടെന്നും ആര്യ അറിയിച്ചിരുന്നുവെന്നും യുവതി പരാതിയില്‍ പറയുന്നു. പ്രധാനമന്ത്രിക്കും രാഷ്ട്രപതിയുടെ ഓഫീനും യുവതി നല്കിയ പരാതിയില്‍ അന്വേഷണത്തിനായി ബന്ധപ്പെട്ട ഓഫീസുകള്‍ക്ക് നിര്‍ദ്ദേശം നല്കിയിട്ടുണ്ട്.