തമിഴ് സിനിമയിലെ മികച്ച ഹാസ്യനടന്‍മാരിലൊരാളായിരുന്ന വിവേകിന്റെ മരണത്തില്‍ ദേശീയ മനുഷ്യാവകാശ കമ്മിഷന്‍ അന്വേഷണം പ്രഖ്യാപിച്ചതായി റിപ്പോർട്ട്. വിഴുപുരം സ്വദേശിയായ ഒരു സാമൂഹ്യപ്രവര്‍ത്തകന്‍ നല്‍കിയ പരാതിയിലാണ് അന്വേഷണം ആരംഭിച്ചത്. കൊവിഡ് വാക്സിന്‍ എടുത്ത് രണ്ടുദിവസങ്ങള്‍ക്ക് ശേഷമാണ് വിവേകിന് ഹൃദയാഘാതമുണ്ടായത് തന്നെ. ചെന്നൈയിലെ സ്വകാര്യ ആശുപത്രിയില്‍ ചികിത്സയില്‍ കഴിയവെ കഴിഞ്ഞ ഏപ്രില്‍ 20നാണ് താരം മരിച്ചത്.

ഇതേതുടര്‍ന്ന് കൊവിഡ് വാക്സിന്‍ എടുത്തതാണ് വിവേകിന്റെ മരണകാരണമെന്ന തരത്തില്‍ പ്രചാരണങ്ങളെത്തി. നടന്‍ മന്‍സൂര്‍ അലിഖാന്‍ അടക്കമുള്ളവര്‍ ഇക്കാര്യം ഉന്നയിക്കുകയുണ്ടായി. തുടര്‍ന്ന് അദ്ദേഹത്തിനെതിരെ കേസെടുത്തിരുന്നു.